الەمنىڭ ەڭ باي سپورتشى قىزدارىنىڭ ەسىمدەرى بەلگىلى بولدى

استانا. قازاقپارات - امەريكالىق تەننيسشى سەرەنا ۋيليامس تاعى دا ەڭ كوپ اقى تولەنەتىن سپورتشى قىزى اتاندى.

Forbes جۋرنالىنىڭ دەرەكتەرى بويىنشا، سوڭعى جىلى ۋيليامس 27 ميلليون دوللار تاپقان. بۇل ءتۇرلى تۋرنيرلەردەگى جەڭىسىنىڭ جۇلدەلەرى مەن جارنامادان جانە ءتۇرلى شارالاردان تۇسكەن تابىستارى.

ەكىنشى ورىندا تاعى ءبىر تەننيسشى گەرمانيا سپورتشىسى انگەليك كەربەر. ونىڭ سوڭعى جىلعى تابىسى 12,6 ميلليون دوللاردى قۇرادى.

ءۇشىنشى ورىنعا 12,2 ميلليون دوللارمەن امەريكالىق اۆتوشاباندوز دانيكا پاتريك جايعاستى.

سونداي-اق بەستىككە سەرەنا ۋيليامستىڭ اپكەسى ۆينۋس تا كىرىپ وتىر. ول 10,5 ميلليون دوللار تاپقان.