الاڭنان قۋىلعان كريشتيانۋ رونالدۋ بەس ماتچتان شەتتەتىلدى

استانا. قازاقپارات - مادريدتىڭ «رەال» كومانداسىنىڭ شابۋىلشىسى يسپانيا كورولدىگى فۋتبول فەدەراتسياسىنىڭ شەشىمىمەن بەس ماتچتان شەتتەتىلدى.

بۇل تۋرالى RFEF سايتىندا حابارلاندى. ەلدىڭ سۋپەركۋبوگى ءۇشىن بولعان «بارسەلونامەن» ويىندا پورتۋگالدىق ماتچتىڭ 88-مينۋتىندا قارسىلاستار قاقپاسى ماڭىندا ادەيى قۇلاعاندىعى ءۇشىن الاڭنان قۋىلدى.

تورەشى ريكاردو دە بۋرگوس بەنگوەچەانىڭ بۇل شەشىمىنە نارازى بولعان فۋتبولشى ونى ارقاسىنان يتەرىپ جىبەرگەن.

بۇل وقيعا ماتچتىڭ حاتتاماسىنا كىرگىزىلدى. ناتيجەسىندە فەدەراتسيا رونالدۋدى بەس ويىننان (ءبىر ويىنعا - قىزىل كارتوچكا جانە تورتەۋى - تورەشىگە شابۋىل) شەتتەتتى.

كەزدەسۋ جەكسەنبى، 13- تامىزدا «كامپ نوۋ» ستاديونىندا بولدى. ماتچ قوناقتاردىڭ جەڭىسىمەن اياقتالدى. ەسەپ -3:1.

«رەال» مەن «بارسەلونا» قارىمتا ويىندى مادريدتە 17- تامىزدا وتكىزەدى.