الماتىعا جەردى قازباي سۋ قۇبىرىن جوندەيتىن جاڭا تەحنولوگيا كەلدى
«الماتى سۋ حولدينگى» م ق ك- ءى قىركۇيەك ايىندا سۋمەن قامتۋ بويىنشا بەلگىلى ءبىر ۋچاسكەلەردە ارنايى تەكسەرۋدەن وتكىزگەننەن كەيىن قالا اۋماعىن قازۋدى قاجەت ەتپەيتىن سۋ قۇبىرىن قايتا جاساۋ تەحنولوگياسىن ەنگىزبەك.
جاڭا تەحنولوگيا جەردى قازباي، قۇبىرلاردىڭ قىزمەتىن 50 جىلعا ۇزارتىپ، ونىڭ وتكىزگىش قابىلەتىن عا ارتتىرادى، بۇرىنعى ادىسپەن سالىستىرعاندا جۇمىس پروتسەسىن 2 ەسەگە ازايتادى.
«الماتى سۋ حولدينگى» وكىلدەرىمەن كەزدەسۋدە رەسەيلىك «موسۆودستوك» م ب ك باس ديرەكتورىنىڭ ورىنباسارى ۆلاديمير ياۆورسكي سوڭعى 2 جىل ىشىندە اتالعان ءادىس بويىنشا ءتۇرلى ديامەترلى 45 شاقىرىم سۋ قۇبىرىن قالپىنا كەلتىرىلگەنىن ايتتى.
رەسەيلىك ماماننىڭ ايتۋىنشا، جاڭا تەحنولوگيا بويىنشا جۇمىس ىستەۋ ءتيىمدى ءارى ارزان.
«ماسكەۋدە جەر استى كوممۋنيكاتسيالارىنىڭ كوپتىگىنەن قازۋ جۇمىستارىن جۇرگىزۋ مۇمكىن ەمەس. جاڭا تەحنولوگيا جەردى قازباي، تۇرعىندارعا كەدەرگى كەلتىرمەي جۇمىس ىستەۋگە ىڭعايلى. جوندەۋ جۇمىسىن ءبىر ءتۇننىڭ ىشىندە اتقارۋعا بولادى»، - دەدى ول.
ول قازىرگى كەزدە ماسكەۋدەگى سۋ قۇبىرلارىنىڭ p دان استامى ەسكى ەكەنىن، بۇرىن «موسۆودوستوك» جۇيەسى جىلىنا سۋ قۇبىرىنىڭ ى عانا رەتكە كەلتىرسە، ەندى جاڭا تەحنولوگيا ارقىلى %-30 ى جاڭارعانىن ايتتى.
«الماتى سۋ حولدينگىنىڭ» مالىمەتى بويىنشا، الماتىدا سۋ قۇبىرىنىڭ بۇل ءادىسى سۋدان اجىراتۋ جەلىلەرىندە قولدانىلعان ەكەن. جاڭا تەحنولوگيا لاينەر ارقىلى سۋ قۇبىرلارىن قايتا جاڭارتۋعا مۇمكىندىك بەرەدى. مۇندا اۋىز سۋدى قامتاماسىز ەتۋدە زياندى دەپ تانىلعان «ستيرول» (C₈H₈) قولدانىلمايدى.