AP اگەنتتىگىنىڭ حابارلاۋىنشا، ەرەۋىلگە شىققان توپقا كولىكتىڭ ءبىرى بارىپ سوعىلعان. «شارلوتسۆيلل قالالىق پوليتسياسى مەن ۆيردجينيا شتاتىنىڭ پوليتسياسى قالا ورتالىعىنداعى ۋوتەر- ستريت پەن 4 كوشە قيىلىسىنداعى ءۇش كولىك سوقتىعىسقان جەردى قورشاۋعا العان. ازىرگە بىرنەشە زارداپ شەگۋشى بار ەكەندىگى ءمالىم ەتىلدى. وقيعا ورنىنا جەدەل جاردەمنىڭ ەركىن ءوتۋى ءۇشىن نارازىلىق اكتسياسىنا قاتىسقان ادامدار تارقاۋى كەرەك» ، - دەلىنگەن پوليتسيانىڭ تۋيتتەردەگى پاراقشاسىنداعى جازبادا.
شارلوتسۆيلدە سەنبى تاڭەرتەڭ ۇلتشىلدار مەن ولارعا نارازى ازاماتتار اراسىندا كيكىلجىڭدەر باستالدى. ۋلتراوڭشىلدار جەرگىلىكتى بيلىكتىڭ ورتالىقتاعى ەمانسيپاتسيا ساياباعىندا تۇرعان امەريكا شتاتتارى كونفەدەراتيۆتىك ارمياسىنىڭ باس قولباسشىسى روبەرت ەدۆارد ءليدىڭ (1807-1870) ەسكەرتكىشىن الىپ تاستاۋ جونىندەگى شەشىمىنە قارسى شەرۋگە شىقپاق بولعان. نارازىلىق اكتسياسى ساعات 12:00 گە جوسپارلانعانىمەن، جاعداي باقىلاۋدان شىعىپ كەتكەندىكتەن شەرۋ وتكىزۋگە تىيىم سالىنعان.
اۆتور: جانىبەك امانگەلدى