الماتىدا كەلەسى اپتادا جەر سىلكىنىسى قايتالانۋى مۇمكىن

 قازىر قاۋىپتىڭ «سارى» دەڭگەيى بەلگىلەنگەن.

ماماندار ءزىلزالا قۋاتى شامامەن 3-4 بالدى قۇراۋى مۇمكىن دەيدى. الايدا ولار تۇرعىنداردى ابىرجىماۋعا شاقىردى. الگى تەربەلىستەر ەشقانداي قاۋىپ تۋدىرمايدى، دەپ حابارلايدى «الماتى» ارناسى.

«سەيسمو قاۋىپسىزدىك دەڭگەيى «سارىعا» كوتەرىلدى ەكەن دەپ، حالىققا ورە تۇرەگەلۋدىڭ ەش قاجەتى جوق. تاعى ايتايىن، «سارى» دەڭگەي ەرتەڭ جەر سىلكىنىسى بولادى دەگەن ءسوز ەمەس. ول تەك قۇزىرلى ورىندار مەن سەيسمولوگتاردىڭ جۇمىسىن كۇشەيتەدى. وعان اقپاراتتاردى جيناۋ، تۇرعىنداردى ەسكەرتۋ، باقىلاۋدى جيىلەتۋ سىندى جۇمىستار كىرەدى. قازىر قىتايدان بىزگە تەربەلىستەر كەلىپ جاتىر. سوندىقتان كۇشەيتىلگەن رەجيمدە جۇمىس ىستەيمىز»، -  دەدى قازاقستان رەسپۋبليكاسى مارلامەنتى ءماجىلىسى ءتوراعاسىنىڭ ورىنباسارى ۆلاديمير بوجكو.

وسى تۇستا، الماتىعا جۇمىس ساپارىمەن كەلگەن ەلىمىزدىڭ پارلامەنتى ءپاجىلىسى ءتوراعاسىنىڭ ورىنباسارى ۆلاديمير بوجكو بىردەن توتەنشە جاعدايلار جانە اپات قاۋپىن ازايتۋ ورتالىعىنا ات باسىن بۇردى.

ويتكەنى، اتالعان ۇيىم وسىنداي ماسەلەلەر جونىندە وزگە ەلدەرمەن تاجىريبە الماسۋ ءۇشىن اشىلعان. ورتالىق قازىر 50 شاقتى بىرىككەن ۇلتتار ۇيىمىنىڭ اگەنتتىكتەرىمەن تىعىز قارىم-قاتىناس ورناتىپتى. بۇل تابيعي قۇبىلىستار، ءورت پەن جەر سىلكىنىسى كەزىندە جىلدام قارەكەت ەتىپ، الدىن-الا انىقتاۋدى قولعا الۋدى كوزدەيدى.