ول كولىك دوڭگەلەگىنىڭ استىندا قالا جازداعان ءسابيدى تەز ارادا قاۋىپسىز جەرگە شىعارىپ العان.
بۇل تۋرالى ق ر قورعانىس مينيسترلىگىنىڭ سايتىندا حابارلاندى.
بۇل كۇنى دانيار ەشايداروۆ 12881 اسكەري ءبولىمىنىڭ تەكسەرۋ-وتكىزۋ پۋنكتىندە قىزمەتتە تۇردى. كەنەت ونىڭ بولىمگە قارسى بەتتە جالعىز جۇرگەن 2 جاسار سابيگە كوزى تۇسەدى. ءبۇلدىرشىننىڭ قاسىنان اسا جوعارى جىلدامدىقپەن كولىكتەر زۋلاپ جاتقان. اسكەري قىزمەتكەر ويلانباستان كومەككە جۇگىرىپ، ءبۇلدىرشىندى قۇتقارعان.
«قورىقتىم، ءبىراق ءوزىم ءۇشىن ەمەس، ءبۇلدىرشىن ءۇشىن قورىقتىم. سول ساتتە ءبىر ورىندا قاتىپ قالماي، ءبىر قادام العا نە ارتقا باسسا، ونى كولىك باسىپ كەتۋى مۇمكىن ەدى. ونداي جاعدايدا وعان كومەكتەسە الماس ەدىم»، - دەيدى ەفرەيتور ەشايداروۆ.
ال ءبولىم كومانديرى، پودپولكوۆنيك رۋسلان وتەپوۆ قاراماعىنداعى ىزمەتكەردىڭ ەرلىگى جايىندا ءسابيدىڭ اناسىنان ەستىگەن. جاس ايەل اسكەري قىزمەتكەرگە العىسىن ايتۋ ءۇشىن بولىمگە كەلىپتى.
بۇدان كەيىن گەنەرال- مايور الماز جۇماكەيەۆ دانياردى ەرلىگى مەن باتىلدىعى ءۇشىن العىس حاتپەن ماراپاتتاپ، بارشا اسكەريلەرگە ۇلگى ەتتى.