سولتۇستىك كورەيا تۇرعىنى تۇندە تەڭىز ارقىلى وڭتۇستىك كورەياعا ءجۇزىپ وتكەن
08:49, 11 - تامىز 2017
استانا. قازاقپارات - ك ح د ر تۇرعىنى جۇما كۇنى تۇندە وڭتۇستىك كورەياعا تەڭىز ارقىلى ءجۇزىپ ءوتتى، دەپ حابارلايدى وڭتۇستىك كورەيالىق اسكەري قىزمەتكەرلەر.
«بۇگىن تۇنگى ساعات بىردە كەدوندو ارالىنان تەڭىز ارقىلى وتكەن سولتۇستىك كورەيا تۇرعىنى قۇتقارىلدى»، - دەلىنگەن وڭتۇستىك كورەيا قارۋلى كۇشتەرى شتاب باسشىلارىنىڭ بىرىككەن كوميتەتى حابارلاماسىندا.
ك ح د ر- ىنان قاشىپ شىقتى دەپ بولجانىپ وتىرعان ەر ازاماتتىڭ جاعدايىنىڭ قانداي ەكەندىگى ازىرگە بەلگىسىز.