قىتايلىق كۋڭ-فۋ جاۋىنگەرلەرى استاناعا كەلەدى
ولار كورەرمەندەر نازارىنا Kungfu revelations. 9 Scrolls (كۋڭ-فۋ سىرى) قويىلىمىن ۇسىناتىن بولادى، دەپ حابارلادى قازاقپاراتقا استانا قالاسىنىڭ مادەنيەت، مۇراعاتتار جانە قۇجاتتاما باسقارماسىنان.
شوۋ بارىسىندا ارتىستىك ەلەمەنتتەرمەن ارالاس قىتايلىق ءداستۇرلى جەكپە-جەكتەر كورسەتىلەدى. بۇل ەجەلگى قويان- قولتىق ۇرىستىڭ مۇلدەم جاڭا ءبىر ءتۇرى. جاۋىنگەرلەردىڭ ايقىن ءارى ۇيلەستىرىلگەن ايلا- ارەكەتتەرى مەديتاتيۆتى پراكتيكالارمەن ۇيلەسىمدىلىكتە جاقسى ەنەرگەتيكا مەن تىنىشتىق سەزىمىن تۋدىراتىن بولادى.
ۇيىمداستىرۋشىلاردىڭ ايتۋىنشا، Kungfu revelations جانعا جايلى جاقسى تەراپيا ءارى دەمالىس بولىپ تابىلادى. ويتكەنى شوۋعا قاتىسۋشىلاردىڭ ءىس- قيمىلىن باقىلاعان كەزدە ادامنىڭ دەنەسى بوساڭسىپ، ول ءوزىنىڭ جانى مەن ءتانىنىڭ جاڭا قىرلارىن تاني باستايدى.
بۇل شوۋدىڭ الەمدە انالوگى جوق، ول تورتكۇل دۇنيەدە كەڭىنەن تانىمال. Kungfu revelations - شانحايدا وتكەن «ەكسپو-2010» كورمەسى باعدارلاماسىنىڭ باستى ءىس- شارالارىنىڭ ءبىرى بولدى. شوۋ «استانا» كونسەرت زالىندا وتەدى. كىرۋ كۇنى 700 تەڭگەدەن 2000 تەڭگەگە دەيىن. بيلەتتەردى www.koncertyastany.kz سايتىنان ساتىپ الۋعا بولادى.