تۇركيانىڭ تانىمال ءانشىسى بۋراي استاناعا كەلدى

استانا. قازاقپارات - قازاقستاندىقتارعا «قۇلپىنايدىڭ ءيىسى» سەريالىنداعى «Istersen» انىمەن تانىمال تۇركيانىڭ ەڭ اتاقتى انشىلەرىنىڭ ءبىرى بۋراي «ينستاگرام» پاراقشاسىندا استاناعا ۇشىپ كەلە جاتقان ۇشاقتاعى فوتوسۋرەتىن جاريا ەتتى، دەپ حابارلايدى «قازاقپارات» ح ا ا ءتىلشىسى.

33 جاستاعى تۇرىك ءانشىسى بىلتىرعى جىلدىڭ جەلتوقسان ايىندا دا قازاقستانعا كەلىپ قايتقان بولاتىن.

بۋراي «قۇلپىنايدىڭ ءيىسى» سەريالىنداعى ساۋندترەكپەن كوپشىلىككە تانىمال. ءانشىنىڭ باعىن اشقان دا وسى «Istersen» ءانى دەسەدى. وتكەن جىلى بۋراي «جىل تاڭداۋى-2016» گالا كونسەرتىنە كەلىپ، قايرات نۇرتاس پەن تورەعالي تورەالىمەن بىرگە ءان شىرقاعان بولاتىن.

قازاقستاندا بەرگەن سۇحباتىندا «مەنىڭ ويىمشا، «Istersen» ءانىن وزگەلەردەن گورى قازاقستاندىقتار ەڭ كوپ تىڭدايتىن سەكىلدى» دەگەن بولاتىن.

تۇرىك ءانشىسى سونىمەن قاتار، قازاقستاندىقتارعا «Karatoprak» ,«Bir Omurlugum» ,«Kimsenin Sucu Yok» ,«Sonsuz Kilalim» اندەرىمەن دە بەلگىلى.

بۋراي تۇركيانىڭ وزگە دە تانىمال جۇلدىزدارىمەن تۇركيانىڭ ۇلتتىق كۇنىنە وراي ەلورداعا كەلىپ وتىر.