Asia Society ءتورت جىل بۇرىنعى Changer Awards ازيا ويىندارىنداعى ءداستۇردى جالعاستىرا وتىرىپ، كورنەكتى ادامدارمەن، ۇيىمدارمەن ىنتىماقتاسىپ جۇمىس ىستەگەنىن ماقتان تۇتادى.
بيىل ناگرادا اۋعانستانداعى ءوز اندەرىندە ەرتە نەكەگە قارسى نارازىلىق بىلدىرەتىن جانە ايەلدەردىڭ قۇقىقتارى ءۇشىن كۇرەسىپ جۇرگەن جاس رەپەر Sonita-عا بەرىلدى. سونداي-اق سىيلىق قىتايدىڭ كەي ەڭ كۇردەلى الەۋمەتتىك، ەكونوميكالىق جانە ەكولوگيالىق پروبلەمالارىن شەشەتىن الەمدەگى ءىرى موبيلدىك بايلانىس كومپانياسىنىڭ باس ديرەكتورىنا؛ الەممەن ءۇندىستاندى بىرىكتىرەتىن گولليۆۋد جۇلدىزىنا، ءوز ەلىنىڭ ورماندارىن قورعاۋ ءۇشىن ءوز ءومىرىن ارناعان ەكولوگقا بەرىلدى.
ناگراداعا ۇسىنىلعانداردىڭ ىشىندە بۇركىتشى بويجەتكەن رەتىندە كۇللى الەمگە تانىمال موڭعوليالىق ايشولپان دا بار. لاۋرەاتتاردى Asia Society جاھاندىق جەلىسىنىڭ مۇشەلەرى تاعايىنداپ، سايلايدى.
ن. ايشولپان جاس شاعىندا گەندەرلىك توسقاۋىلدى ەڭسەرگەنى ءۇشىن بەدەلدى ناگراداعا يە بولدى، دەپ جازدى asiasociety.org.
ايشولپاننىڭ ايتۋىنشا، ول ءوزىنىڭ تاريحى بارشا الەمدەگى بويجەتكەندەر مەن ايەلدەردى جىگەرلەندىرگەنى ءۇشىن باقىتتى. موڭعوليادا قازىر قىزداردىڭ كوپشىلىگى بۇركىتشى بولعىسى كەلەدى. ايشولپان جاس قىزدار قايدا تۇرماسىن، كۇدىككە، سىنعا، قالىپتاسقان گەندەرلىك نورمالارعا قارسى تۇرا الادى دەگەن ۇمىتتە. ولار ءوز ارەكەتتەرىن جالعاستىرىپ، باتىل بولۋلارى ءتيىس، - دەدى ول. «بالا كەزىمنەن بۇركىتپەن اڭ اۋلاۋعا قىزىعىپ ءوستىم بۇل جاعىنان ءوزىم مەن ەر بالا اراسىندا ەشقانداي ايىرماشىلىق كورمەيمىن»، - دەدى ول.