پاۆلودارلىقتار ا ق ش پەن جاپونياعا تىرنالار جىبەرەدى
بۇل تۋرالى جاستار باستامالارىن دامىتۋ ورتالىعى ءمالىم ەتتى، دەپ حابارلايدى pavlodarnews.kz.
شارا كەزىندە حيروسيما قالاسىندا تۇرعان جاپون قىزى ساداكو ساساكيدىڭ 1000 وريگامي تىرنا جاساۋ تۋرالى تىلەگى باياندالاتىن حيكايا ايتىلادى.
- وريگاميمەن جۇمىس جاساۋ بارىسىندا ءاربىر قاتىسۋشى ءوز قالاۋىنشا قاعاز تىرناعا تىلەك جازىپ قالدىرۋى مۇمكىن. بۇل قۇستاردىڭ جارتىسى دوستىق پەن تاتۋلىقتى ساقتاۋ ماقساتىندا پاۆلودار قالاسىندا ىلىنسە، قالعان جارتىسى پوشتا ارقىلى ا ق ش- تىڭ سيەتل قالاسىنداعى قولىندا قاعاز تىرنانى ۇستاپ تۇرعان قىز ءمۇسىنى ورنالاسقان بەيبىتشىلىك ساياباعىنا جىبەرىلمەك. 72 جىل بۇرىن ورىن العان قاسىرەتتى پاۆلودارلىقتار ەسىنەن شىعارعان ەمەس. بۇگىنگى كۇننىڭ جاستارى بەيبىت الەمدە ءومىر ءسۇرۋدى قالايدى، - دەيدى جاپون مادەنيەتى كلۋبىنىڭ بەلسەندىسى دامير بەكبايەۆ.
وسىعان دەيىن، 6 -تامىز كۇنى تومەنگى جاعالاۋدا «جاپون مادەنيەتى» كلۋبىنىڭ قاتىسۋشىلارى قاعازدان اق تىرنالاردى جاساۋ بويىنشا شەبەرلىك ساباعىن وتكىزگەن بولاتىن. اتاپ ءوتۋ كەرەك، اتالمىش كلۋب اعىمداعى جىلدىڭ اقپان ايىندا جاستار باستامالارىن دامىتۋ ورتالىعى نەگىزىندە جۇمىسىن باستاعان.