تۇركيا يرانمەن شەكاراعا قامال تۇرعىزباق
باسىلىم مالىمەتىنشە، قابىرعا ءارقايسىسى 7 توننادان تۇراتىن ءۇش مەترلىك بەتون بلوكتاردان تۇرادى. قۇرىلىس اگرى، ىگدىر جانە كارس پروۆينسيالارىنىڭ شەكاراسىن كۇشەيتۋگە باعىتتالعان. قۇرىلىس جۇمىستارى باستالعان شەكارا بولىمشەسىنە اگرى پروۆينسياسىنىڭ گۋبەرناتورى سۇلەيمان ەلبان كەلدى.
ايتا كەتەيىك، يران مەن تۇركيا اراسىنداعى 70 شاقىرىمدىق شەكاراعا قابىرعا تۇرعىزۋ جوسپارى 2017 -جىلدىڭ مامىر ايىندا جاريالانعان. وڭتۇستىك شەكاراسىنا قوسىمشا قورعانىس قاجەتتىگىن انكارا يران اۋماعىن پايدالانىپ، سول جاقتان تۇرىك تەرريتورياسىنا شابۋىل جاسايتىن كۇرد كوتەرىلىسشىلەرىنىڭ ارەكەتتەرىمەن بايلانىستىرادى.
قازىرگى ۋاقىتتا تۇركيا تاراپى سيريامەن شەكاراعا وسىعان ۇقسايتىن قورعانىس قۇرىلىسىن اياقتاپ قالدى. قابىرعا «يسلام مەملەكەتى» سودىرلارىنىڭ، سونداي-اق، انكارا لاڭكەستىك ۇيىم دەپ سانايتىن كۇردىستان جۇمىسشى پارتياسى مۇشەلەرىنىڭ تۇركيا اۋماعىنا وتۋىنەن قورعاۋعا باعىتتالعان.