ايگىلى «جىگىتتەر» توبى تاراپ كەتۋى مۇمكىن
بۇل رەتتە ەل اراسىندا قۇرىلعانىنا 15 جىل تولعالى وتىرعان ايگىلى كۆارتەت تاراپ كەتۋى مۇمكىن دەگەن اقپارات تاراعالى ءبىراز بولدى. بۇل سۇراقتىڭ جاۋابىن توپ مۇشەسى ايدار تۇرعانبەك بەردى.
بۇل تۋرالى «مەديامەتريكس» راديوسى حابارلايدى.
ءانشى كۇندەردىڭ كۇنىندە «جىگىتتەر» توبى تاراپ كەتۋى مۇمكىن ەكەنىن مەڭزەدى.
«ءبىر تۋماق بولعانمەن، ءبىر جۇرمەك جوق» دەيدى عوي. اعايىندار بىرگە تۋادى، ءبىراق ءومىر باقي بىرگە جۇرمەيدى دەگەن سياقتى، بىزدە دە سونداي. تورتەۋمىز ءتورت ءۇيدىڭ بالاسىمىز. ءبىز ارمان قۋىپ الماتىعا كەلدىك. 7 جىلداي ءبىر ۇيدە تۇردىق. ءارى قاراي ۇيلەندىك، جايلاندىق. ءالى دە بىرگە جۇرەمىز. ءبىراق جەكە شىعارماشىلىققا قازىر تورتەۋمىز دە كىرىسىپ جاتىرمىز.
قازىر مەن ۇزاتۋ تۋرالى ءان جازدىرىپ جاتىرمىن، ودان بولەك جاڭا ون شاقتى ءانىم بار. نيەتىم بار جازۋعا، دايىن بولىپ تۇر. سوعان دەمەۋشى تابىلا قالسا، جازامىن. حالىققا ۇنامدى اندەر بولسا، كليپ تۇسىرەمىن. ەندى جەكە شىعارماشىلىقتى دا الىپ ءجۇرۋ كەرەك. سەبەبى اركىمنىڭ ءوز وتباسى، بالا-شاعاسى، اكە-شەشەسى بار»، - دەپ ءتۇسىندىردى ايدار.
الايدا ول توپتا ءجۇرىپ تە جەكە ءانشى رەتىندە قالىپتاسۋعا بولاتىنىن ايتتى. ال جەكە كاسىپ پەن شىعارماشىلىق وعان كەدەرگى كەلتىرمەيدى.
«جەكە كاسىپ تە، جەكە شارۋاشىلىق تا ەشكىمگە كەدەرگى بولمايدى. ءبىز تورتەۋمىز دە بىرگە جۇرە بەرەمىز، بولەك تە اندەر ايتامىز. وعان تورتەۋمىزدىڭ دە كۇش-جىگەرىمىز جەتەدى. قاسىمداعى جىگىتتەردىڭ بارلىعىنىڭ ۆوكالدىق مۇمكىنشىلىكتەرى وتە مىقتى. جەكە شىقسا، ءبارى دە مىقتى. سوندىقتان ەشقايسىمىز جەردە قالامىز دەپ ويلامايمىن»، - دەيدى ايدار تۇرعانبەك.