قازاقستاننىڭ جاس بوكسشىلارى ازيا چەمپيوناتىندا ءبىرىنشى ورىن الدى

استانا. قازاقپارات - فيليپپيندە جاسوسپىرىمدەر اراسىنداعى بوكستان ازيا چەمپيوناتى ءوتتى. قازاقستان قۇراماسى جەتى التىن مەدال جەڭىپ الدى، دەپ حابارلايدى قازاقپارات ءتىلشىسى قازاقستاننىڭ بوكس فەدەراتسياسىنا سىلتەمە جاساپ.

چەمپيوناتتىڭ فينالىنا ەلىمىزدىڭ 8 بىردەي بوكسشىسى شىقتى. ولاردىڭ ىشىندە ماحمۇد سابىرحان (48 ك گ)، بەيبارىس جەكسەن (52 ك گ)، ايتجان ءاشىرحان (54 ك گ)، ەراسىل جاقپەكوۆ (70 ك گ)، قۋاندىق ماقسۇت (75 ك گ) پەن ساعىندىق توعامباي (80 ك گ) التىن ولجالادى، ال اقىلبەك مۇحتاروۆ (46 ك گ) جانە بەكزات ەرىمبەت (60 ك گ) كۇمىسكە يە بولدى. وسىلايشا، قازاقستان قۇراماسى التى التىن جانە ەكى كۇمىسپەن كوماندالىق ەسەپتە ءبىرىنشى ورىنعا يە بولدى.

ەكىنشى ورىندا - وزبەكستان قۇراماسى. ولار ءۇش التىن مەن ەكى كۇمىس الدى. ال جاپونيالىق بوكسشىلار التى التىن مەن ءبىر كۇمىس مەدالمەن ءۇشىنشى ورىندى قاناعات تۇتتى.