ايەلدەر فۋتبولىنان ەۋروپا چەمپيوناتىنا قىزىعۋشىلىق رەكوردتىق دەڭگەيگە جەتكەن

استانا. قازاقپارات - نيدەرلاندىدا ءوتىپ جاتقان ايەلدەر اراسىنداعى فۋتبولدان ەۋروپا چەمپيوناتىنا تەلەكورەرمەندەر، ينتەرنەت پايدالانۋشىلار دا جانە ستاديونداعى كورەرمەندەر دە رەكوردتى قىزىعۋشىلىق تانىتتى.

بۇل تۋرالى Deutsche Welle ەۋروپالىق فۋتبول قاۋىمداستىعى (ۋ ە ف ا) وداعىنا سىلتەمە جاساپ حابارلادى. 6 -تامىزدا وتەتىن فينالدىق ويىندى ەسەپكە الساق، بيىل ەۋروپا ايەلدەر بىرىنشىلىگىنىڭ ماتچتارىن تەلەديداردان 165 ميلليونعا جۋىق ادام كورەدى. بۇل 2013 -جىلعى تۋرنيرعا قاراعاندا كورەرمەندەر سانى 50 ميلليونعا كوپ. ەۋرو-2017 ويىندارىنىڭ ستاديونىنا قازىردە 211 863 جانكۇيەر باردى. بۇدان بۇرىنعى رەكورد ءتورت جىل بۇرىن ورناتىلعان. ول كەزدە ويىنعا 216888 كورەرمەن قاتىسقان. ەنسحەدە ارەناسىندا (30 مىڭنان استام ادام سىيادى) وتەتىن نيدەرلاندىدان بىرىنشىلىك يەلەرى جانە ولاردىڭ دانيادان قارسىلاستارى اراسىنداعى فينالعا بارلىق بيلەتتەر ساتىلىپ كەتتى، سوندىقتان وسى كريتەري بويىنشا جاڭا رەكوردتىق جەتىستىك ورناتىلادى.