استانا اۋەجايىندا جانكۇيەرلەر قانات يسلام باستاعان بوكسشىلاردى قارسى الادى

استانا. قازاقپارات - بۇگىن الماتى-استانا اۋە رەيسىمەن ەلورداعا قانات يسلام باستاعان بوكسشىلاردىڭ ءبىر توبى كەلەدى، دەپ حابارلايدى قازاقپارات ءتىلشىسى.

وسىعان وراي، «نۇرسۇلتان نازاربايەۆ» حالىقارالىق اۋەجايىندا ارنايى باسپا ءسوز ءماسليحاتى ۇيىمداستىرىلادى.

سول جەردە باپكەرلەر مەن بوكسشىلار 9- قىركۇيەك كۇنى بولاتىن بوكس كەشى تۋرالى جان-جاقتى ايتىپ بەرەدى.

رەسمي مالىمەتكە سايكەس، قانات يسلاممەن بىرگە جانكوش تۇراروۆ پەن نۇرسۇلتان جاڭابايەۆ تا بار. ال باپكەرلەر توبىن نەلسون لوپەس باستاپ كەلەدى.

ايتا كەتەيىك، 9- قىركۇيەك كۇنى استاناداعى «سارىارقا» ۆەلوترەگى عيماراتىندا قانات يسلام (24-0, 19 ك و) كانادالىق برەندون كۋكپەن (18-0, 11 ك و) كەزدەسەدى.

بوكسشىلار ءبىرىنشى ورتا سالماقتاعى IBF تيتۋلىنان ۇمىتكەرلىك ءۇشىن تالاسادى. وسى جەكپە-جەكتىڭ اندەركاردىندا 8 قازاقستاندىق بوكسشى ونەر كورسەتەدى.

ولار - جانقوش تۇراروۆ (21-0, 15 كو)، جانىبەك ءالىمحان ۇلى (1-0, 1 ك و)، مەيىرىم نۇرسۇلتانوۆ (3-0, 2 ك و)، رۋسلان مىرساتايەۆ (3-0, 3 ك و)، ءالي احمەدوۆ (7- 0,5 ك و)، ايدوس ەربوسىن ۇلى (6-0, 6 ك و)، ديماش نيازوۆ (11-0-3, 5 ك و) جانە نۇرسۇلتان جاڭابايەۆ (2-0, 1 ك و). بارلىق بوكسشىلارىمىز وسى ۋاقىتقا دەيىن بىردە-ءبىر رەت جەڭىلمەگەن.

اۆتور: ارمان اسقاروۆ