سونىمەن جەر شارى حالقىنىڭ ۇرەيىن الىپ وتىرعان نارسە نە؟ Pew Research Center ماماندارىنىڭ ساۋالناماسىنا سەنسەك، پلانەتا تۇرعىندارى ەڭ الدىمەن «يسلام مەملەكەتى» لاڭكەستەرىنىڭ ارەكەتىنەن قورقادى ەكەن. اۋا رايىنىڭ جاھاندىق جىلىنۋى مەن حاكەرلىك شابۋىلدار مەن الەمدىك ەكونوميكانىڭ كۇرت قۇلدىراۋى، سيريا مەن يراكتاعى بوسقىنداردىڭ تاعدىرى دا حالىقتى قاتتى الاڭداتاتىن كورىنەدى. سونداي-اق، ساۋالناما ناتيجەسى كورسەتكەندەي، ا ق ش، قىتاي مەن رەسەيدىڭ الەمدىك ساياساتتاعى ىقپالى دا جۇرتشىلىقتى ويلانتىپ وتىرعان كورىنەدى.
الەمنىڭ 38 ەلىنەن ساۋالناما العان ورتالىق ماماندارى «يسلام مەملەكەتى» سودىرلارى مەن جاھاندىق جىلىنۋ الەم حالقىنىڭ قازىرگى كەزدەگى 1№ ۇرەيلەنەتىن ماسەلەسى ەكەنىنە كوزدەرى جەتكەن. ا ق ش، رەسەي مەن قىتايدىڭ الەمدىك ساياساتتاعى ىقپالىنان قورقاتىندار دا بار. ساۋالعا قاتىسقانداردىڭ 35 پايىزى - ا ق ش- تىڭ ساياساتىنا، رەسەي مەن قىتايدىڭ ىقپالىنا رەسپوندەنتتەردىڭ 31 پايىزى الاڭدايدى ەكەن.
اسىرەسە پولياكتاردىڭ 65 پايىزى رەسەيدەن قورقاتىنىن ايتقان. ا ق ش- حالقىنىڭ - 47 پايىزى، يوردانيانىڭ - 49 پايىزى، وڭتۇستىك كورەيانىڭ - 46، فرانسيانىڭ -45، كەنيانىڭ -39 پايىزى كرەملدىڭ ساياساتىنان جاقسىلىق كۇتپەيتىنىن اتاپ كورسەتكەن.
ساۋالناماعا قاتىسقان ا ق ش تۇرعىندارىنىڭ 47 پايىزى بولاشاقتا رەسەي تاراپىنان ۇلكەن قاۋىپ بار دەپ ەسەپتەيدى. امەريكالىق دەموكراتتاردىڭ 61 پايىزى، رەسپۋبليكاشىلداردىڭ 36 پايىزى بولاشاقتا الەمدىك ساياساتتا رەسەيدىڭ ىقپالى ارتا تۇسەدى دەگەن كوزقاراستا. ال امەريكالىقتاردان ۇرەيلەنەتىندەر بار ما؟
ساۋالناماعا جاۋاپ بەرگەندەردىڭ ىشىندە يسپاندىقتاردىڭ - 59، ەۋروپالىقتاردىڭ - 31 پايىزى اق ءۇيدىڭ بارعان سايىن ارتىپ بارا جاتقان ىقپالىنا الاڭدايتىن كورىنەدى.
ەۋروپانىڭ 10 ەلى «يسلام مەملەكەتى» سودىرلارىنان، ا ق ش، كانادا مەن رەسەي حالقى دا دايش ۇيىمىن «الەمدە قاتەر ءتوندىرىپ وتىرعان توپ» دەپ ەسەپتەيدى. فرانسۋزداردىڭ - 88، يتالياندىقتاردىڭ - 58 پايىزى دايش لاڭكەستەرىنەن قورقاتىنىن ايتقان.
بولاشاقتا عالامدىق جىلىنۋدىڭ ۇلكەن قاتەر توندىرەتىنىن يسپانيا حالقىنىڭ - 89، شۆەتسيانىڭ - 69، كانادانىڭ- 60، چيلي مەن ارگەنتينا تۇرعىندارىنىڭ 76 پايىزى اتاپ كورسەتكەن.
ال بۇكىل رەسەيلىك قوعامدىق پىكىردى زەرتتەۋ ورتالىعىنىڭ ساۋالناماسى باسقا ناتيجەنى كورسەتكەن. ساۋالناماعا قاتىسقانداردىڭ 50 پايىزى ا ق ش ساياساتىنا الاڭدايتىنىن ايتقان. سونىمەن قاتار رەسەيلىكتەردى باعانىڭ كۇرت ءوسۋى دە قاتتى ۇرەيلەندىرەتىن كورىنەدى.
بەرىك بەيسەن ۇلى
«ايقىن»