ساۋاپتى ىستەر مەشىت سالۋمەن شەكتەلمەيدى - مينيستر ەرمەكبايەۆ
«ەلىمىزدەگى كوپتەگەن اۋقاتتى بيزنەسمەندەر «ساۋاپتى ىستەر» جاساۋعا ءجيى نيەت بىلدىرەدى. (...) ولاردىڭ كەيبىرەۋى تەك مەشىت سالۋدى عانا «ساۋاپتى ءىس» دەپ سانايدى دا، بەيبەرەكەت مەشىت تۇرعىزا باستايدى. ارينە، قاجەتتىلىك بار جەردە مەشىت سالىنۋى كەرەك. ءبىراق، ءدىن جولىندا «ساۋاپتى ءىس» جاساۋ ءۇشىن تەك قانا مەشىت سالۋ مىندەتتى ەمەس. مەكتەپتەر، اۋرۋحانالار، جول سالۋ، كوپىر سالۋ سەكىلدى قوعامعا پايدالى كەز كەلگەن ءىس ساۋاپقا جاتادى»، - دەدى ن. ەرمەكبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
مينيستر ادامداردىڭ ءوز ەركىمەن اقشالاي نەمەسە مۇلىكتەي قايىرىمدىلىق جاساي الاتىنىن، تەك مۇنىڭ بارلىعى وركەنيەتتى جانە ءتيىمدى جولعا قويىلۋى تيىستىگىن باسا ايتتى.
«مەتسەناتتاردى ءتيىستى جاعدايمەن، ءتيىستى مۇمكىندىكپەن قامتاماسىز ەتۋ قاجەت. ەڭ باستىسى قايىرىمدىلىق شارالارى اشىق جانە قوعام ءۇشىن پايدالى بولۋى كەرەك»، - دەپ ءوز ءسوزىن تۇيىندەدى مينيستر.
اۆتور: ايجان سەرىكجان قىزى