ءىرى قالا باسشىلارى استانادا كەزدەسەدى
قىتاي، سيپگاپۋر، فرانسيا، ۇلى بريتانيا، كانادا ەلدەرىنىڭ جىلجىمايتىن مۇلىك بويىنشا حالىقارالىق ساراپشىلارى، قۇرىلىسشىلار، ساۋلەتشىلەر، مەملەكەتتىك قۇرىلىس جانە بيزنەس قاۋىمداستىقتىڭ وكىلدەرى مەملەكەتتىك-جەكەمەنشىك سەرىكتەستىك جوبالارىن عانا ەمەس، سونداي-اق زاماناۋي تەحنولوگيالاردى ەنگىزۋ، مەيرامحانا بيزنەسىن جانە فۋد-رەيتەلدى دامىتۋ ماسەلەلەرىن تالقىلاپ، جىلجىمايتىن مۇلىك نارىعى بويىنشا ستاتيستيكالىق مالىمەتتەردى ۇسىنادى.
«شارا تاۋەلسىزدىك سارايىندا استانا ق. اكىمدىگىنىڭ قولداۋىمەن وتەدى. ءبىزدىڭ باستى ماقساتىمىز - ساراپشىلاردىڭ تاجىريبە الماسۋى جانە جىلجىمايتىن مۇلىكتى دامىتۋعا قاتىستى وزەكتى ماسەلەلەردى شەشۋى ءۇشىن كەلىسسوزدەر الاڭىن قۇرۋ»، - دەدى ۇيىمداستىرۋشىلار.
ورتالىق ازيا ءوڭىرىنىڭ جانە رەسەيدىڭ ءىرى قالالارىنىڭ باسشىلارى كەزدەسەدى، بۇل كەزدەسۋ فورۋمنىڭ باستى وقيعاسى بولماق.
اسەت يسەكەشەۆتىڭ شاقىرتۋى بويىنشا اشحاباد، باكۋ، قازان، ەكاتەرينبۋرگ، نوۆوسىبىر جانە تبيليسي سىندى قالالاردىڭ باسشىلارى ەلورداعا كەلەدى. ەكى كۇن بويى فورۋم قاتىسۋشىلارى استانا مەن الماتىدا وتكەن EXPO 2017، ۋنيۆەرسيادا (2017) جانە ازيادا (2011) سىندى ءىرى شارالاردىڭ ينفراقۇرىلىمدىق مۇراسىنا ارنالعان ماسەلەلەردى تالقىلايدى.
فورۋم دەلەگاتتارىن ءتۇرلى ءبىلىم شارالارى كۇتۋدە: ترەنينگتەر، پراكتيكالىق سەمينارلار مەن شەبەرلىك ساباقتار. فورۋم جىل سايىنعى «Commercial Real Estate Awards 2017» جىلجىمايتىن مۇلىك سالاسىندا كاسىبي سىياقىسىن تابىستاۋمەن اياقتالادى.