ق ر اۆياتسيا كوميتەتىنىڭ باسشىسى: دروندار ءۇشىن جەكە قۇرىلىم قاجەت
«ءبىز قالاماساق تا دروندار ومىرىمىزگە دەندەپ ەندى. ءبىر جاعىنان بۇل جاقسى دا. ءبىراق، قاۋىپسىزدىك ماقساتىندا ولاردى رەتتەۋ ءۇشىن نورماتيۆتىك-قۇقىقتىق بازا قۇرۋ قاجەت. ولاردى قالاي تىركەۋ كەرەك، قانداي سالماقتان باستاپ تىركەۋ كەرەك، درونداردىڭ ۇشۋىن كىم باقىلايدى دەگەن ماسەلەلەردى ءتۇسىنۋىمىز كەرەك. ياعني، ولاردىڭ كورىنەتىن شەكتە ۇشۋى ءبىر بولەك، ال ولاردى كورۋ شەگىنەن تىسقارى باسقارۋ مۇلدەم باسقا»، - دەدى تالعات لاستايەۆ مۇرات جۇمانبايدىڭ «گالستۋكسىز» دەپ اتالاتىن باعدارلاماسىندا.
ونىڭ ايتۋىنشا، الەمدىك تاجىريبەدە ۇشقىشسىز ۇشاقتاردى باسقارۋ ءۇشىن بۇتىندەي قۇرىلىمدىق بولىمگە قۇرىلادى.
«ويتكەنى، ولاردىڭ بولاشاعى بار ەكەندىگىن تۇسىنەدى. ءبىز قالاساق تا، قالاماساق تا بۇل دروندار كەيبىر سالالاردا ماسەلەن، قۇبىر جەلىلەرى مەن گاز قۇبىرلارىنا مونيتورينگ جۇرگىزۋدە تىكۇشاقتىڭ ورنىن باسادى. بۇل وتە ارزان. مۇنىڭ بارلىعىن سارالاپ، زاڭناما ازىرلەۋ كەرەك. ول ءۇشىن ءبىلىمى بار ادامدار قاجەت. ءبىز بۇل دامۋدىڭ الدىن وراۋعا ءتيىسپىز. ال ول ءۇشىن مۇنىمەن اينالىساتىن قۇرىلىم قۇرعانىمىز ءجون»، - دەدى تالعات لاستايەۆ.
ەستەرىڭىزگە سالا كەتسەك، ازاماتتىق اۆياتسيا كوميتەتىنىڭ بۇرىنعى ءتوراعاسى بەكەن سەيداحمەتوۆ ۇشقىشسىز ۇشاتىن اپپاراتتار مەن دروندارعا باقىلاۋ ەنگىزۋدى ۇسىنعان بولاتىن.