ارقالىق قالاسىنىڭ قۇرمەتتى ازاماتى، ولكەتانۋشى ءشوپتىباي بايدىلديننىڭ بۇل ەڭبەگىندە بۇرىن باسپا ءسوز بەتىندە جاريالانباعان داڭقتى قولباسشى كەيكى كوكەمباي ۇلىنىڭ سان قيلى تاعدىرى ءسوز بولادى. كىتاپقا باتىردىڭ تۇستاستارى مەن كوزىن كورگەن قارتتاردان ەستىگەن اڭگىمەلەر، سول كەزەڭدەگى تورعاي ولكەسىنىڭ تىنىس- تىرشىلىگى، ۇلىتاۋ مەن ۇلى جىلانشىق ايماعىنان جينالعان ماتەريالدار مەن فوتوسۋرەتتەر ەنگەن.
«كەيكى باتىر جايلى كىتاپ جازۋدى سوناۋ 1963 -جىلدان بەرى ارمانداعان ەدىم. ويتكەنى، ەڭ بىرىنشىدەن مەن سول كەيكى باتىر تۋعان وڭىردە ءوستىم، سول ەلدىڭ ازاماتىمىن. ەكىنشىدەن، كەيكىنىڭ كوزىن كورگەن، باتىرمەن دامدەس بولعان قاريالارمەن جيىرما جىلدان استام ارالاس- قۇرالاس بولدىم، سان رەت اڭگىمە- دۇكەن قۇرعانمىن. كەيكى جايلى ەل اۋزىنان جيناستىرعان ماعلۇماتتار ەلۋ جىلدىڭ ەڭبەگى. سوندىقتان دا كەيكى جايلى ءوز قال- قادىرىمشە وي تولعايمىن. وقىرمان كەرەگىن الار، ارتىق- كەمىن ولشەر»، - دەيدى اۆتور.
ايتا كەتەيىك، كەيكى باتىردى 1923 -جىلى قىزىل اسكەر جاۋىنگەرلەرى ولتىرگەن. سودان كەيىن باس سۇيەگى كۋنستكامەراعا جونەلتىلگەن. سانكت- پەتەربۋرگ قالاسىنداعى كۋنستكامەرادا 93 جىل بويى ساقتالىپ كەلگەن كەيكى باتىردىڭ باس سۇيەگى ەلىمىزگە وتكەن جىلى قايتارىلعان بولاتىن. وسىدان كەيىن ارنايى قۇرىلعان مەملەكەتتىك كوميسسيا كەيكى باتىردىڭ سۇيەگىن ونىڭ تۋعان جەرى - قوستاناي وبلىسى امانگەلدى اۋدانىنىڭ تاستى اۋىلىندا جەرلەۋ تۋرالى شەشىم قابىلدادى.
اۆتور: باقىتجول كاكەش