قازاقستاننىڭ بەس ءوڭىرى ورتپەن ارپالىسۋدا

استانا. قازاقپارات - قازىرگى ۋاقىتتا بەس وڭىردە (اقتوبە، اتىراۋ، قاراعاندى، باتىس قازاقستان، وڭتۇستىك قازاقستان) ق ر ءى ءى م ت ج ك بولىمشەسى، ازماتتىق قورعانىس قىزمەتى، جەرگىلىكتى اتقارۋشى ورگاندار، ورمان شارۋاشىلىعى، ەرىكتى ءورت ءسوندىرۋ قۇرامالارى ءورتتى اۋىزدىقتاۋ جۇمىستارىمەن اينالىسۋدا.

ت ج ك باسپا ءسوز قىزمەتى حابارلاعانداي، قازىرگى ساتتە اقتوبە وبلىسىنىڭ ايتەكە ءبي، مارتوك، قارعالى اۋداندارى، ش ق و- نىڭ اياگوز اۋدانى، باتىس قازاقستان وبلىسىنىڭ اقجايىق، قازتالوۆ، بوكەي وردا، جانعالى اۋداندارىندا، و ق و- نىڭ تولە ءبي اۋدانىندا 1883 گەكتار الاڭدا دالا ءشوبى ورتەنىپ، ونى ءسوندىرۋ جۇمىستارى ءجۇرىپ جاتىر.

جالىندى سوندىرۋگە 470 ادامنان، 70 تەحنيكادان تۇراتىن ت ج د كۇشتەرى مەن قۇرالدارى، جەرگىلىكتى اتقارۋشى ورگاندار، ورمان شارۋاشىلىعى، ءورت ءسوندىرۋ قۇرامالارى تارتىلدى. اقتوبە وبلىسىندا بايعانين، قوبدا اۋداندارىندا ءورتتى اۋىزدىقتاۋ جالعاسۋدا. كۇشتەر مەن قۇرالدار سانى - 134 ادام، 15 تەحنيكا جۇمىلدىرىلعان. اتىراۋ وبلىسى يساتاي اۋدانىندا ەرىكتى ءورت ءسوندىرۋ قۇرامالارىنىڭ كۇشتەر مەن قۇرالدار سانى - 10 ادام، 2 تەحنيكا. وتقا ورانعان القاپ - 5 گەگتار (گ ا). بازارشولان اۋىلدىق وكرۋگىنىڭ 9 ۋچاسكەسىندە 62 ادام جانە 6 تەحنيكامەن ت ج د، ەرىكتىلەر، ورمان شارۋاشىلىعى قىزمەتكەرلەرى ورتپەن ارپالىسۋدا. ءبورلى اۋدانىنداعى 2 ۋچاسكەدە ءورتتى جويۋعا «ءورت ءسوندىرۋشى» ا ق، ەرىكتى ءورت ءسوندىرۋ قۇرامالارىنان 9 ادام، 4 بىرلىك تەحنيكا جۇمىلدىرىلدى. قاراعاندى وبلىسى اقتوعاي اۋدانىندا ت ج د كۇشتەرىنەن 4 ادام جانە 1 تەحنيكا تارتىلدى. 

ۇلىتاۋ اۋدانىندا ءورتتى اۋىزدىقتاۋعا تجد كۇشتەرىنەن، ەرىكتى ءورت ءسوندىرۋ قۇرامالارىنان: 24 ادام 5 بىرلىك تەحنيكا تارتىلدى. قارساقباي اۋىلىندا ت ج د كۇشتەرىنەن، ەرىكتى ءورت ءسوندىرۋ قۇرامالارىنان: 20 ادام، 2 تەحنيكا جۇمىس ىستەۋدە. و ق و- نىڭ تولە ءبي اۋدانىندا  قىزىلتاۋ شاتقالىندا ءورتتى ءسوندىرۋ جالعاسۋدا. وعان ت ج د، ورمان شارۋاشىلىعى، جەرگىلىكتى اتقارۋشى ورگانداردان 51 ادام، 7 تەحنيكا جۇمىلدىرىلدى. جالىن شارپىعان الاڭ - 16 گ ا.