اتىراۋ مۇناي وڭدەۋ زاۋىتى قىتايمەن بايلانىستى نىعايتپاق
«بەيجىڭدە اتىراۋ جانە حاينان مۇناي زاۋىتتارى اراسىندا ىسكەرلىك ىنتىماقتاستىق پەن باۋىرلاستىق قاتىناس كەلىسىمىنە قول قويۋ ءراسىمى ءوتتى.
كەلىسىمگە «قاز مۇناي گاز» ۇ ك» ا ق مۇناي جانە گازدى وڭدەۋ جونىندەگى اعا ۆيتسە-پرەزيدەنتى دانيار تيەسوۆ پەن «Sinopec Group» باس ديرەكتورى لين يتسيۋن قول قويدى»، - دەدى اتىراۋ مۇناي وڭدەۋ زاۋىتى باسپا ءسوز قىزمەتى.
ەكى-ارا كەلىسىم مۇناي وڭدەۋ كاسىپورىندارى اراسىندا ءوزارا ءتيىمدى ىنتىماقتاستىقتى قالىپتاستىرۋعا، الەۋمەتتىك ساياسات پەن پەرسونالداردى باسقارۋدا، ەنەرگيا ۇنەمدەۋ، قورشاعان ورتانى قورعاۋ مەن جاڭا تەحنولوگيالاردى ەنگىزۋدە، قوندىرعىلاردى قاۋىپسىز پايدالانۋ، تەحنيكالىق قىزمەت كورسەتۋ مەن بىرلەسكەن جوبالار جاساقتاۋعا باعىتتالعان.
تاراپتار جاڭا تەحنولوگيالاردى بىرلەسىپ جاساقتاۋ سالاسىندا، ءوندىرىستى ۇتىمداستىرۋ يدەسىمەن ءبولىسۋ، ونىمدەر ساپاسىن ارتتىرۋ مەن ەكولوگيالىق احۋالدى جاقسارتۋ، «ينتەرنەت ونەركاسىپ» جانە SMART- زاۆودتاردى ەنگىزۋ تۇجىرىمداماسىن جاساماق.