پروكۋرورلار اليمەنتى تولەنبەگەن ازاماتتاردى جۇمىسقا ورنالاستىرۋدا
14:14, 30 - شىلدە 2017
اتىراۋ. قازاقپارات - اتىراۋ وبلىستىق پروكۋراتۋراسى «اليمەنتتەر. بورىشكەرلەرمەن كۇرەستىڭ 30 قادامى» اتتى رەسپۋبليكالىق جوبانى جۇزەگە اسىرۋ جۇمىستارىن قورىتىندىلادى.
جوبانى جۇزەگە اسىرۋ بارىسىندا پروكۋرورلار اليمەنتكە بەرەشەك ازاماتتاردى جۇمىسقا تۇرعىزۋعا ىقپال ەتتى، دەپ حابارلايدى قازاقپارات.
«بۇل باعىتتاعى جۇمىستار بارىسىندا باستى نازار بورىشكەرلەردى جۇمىسپەن قامتۋ ماسەلەسىنە اۋدارىلدى. وسىلايشا، پروكۋراتۋرانىڭ باستاماسىمەن وكىلەتتى ورگاندار مەن ءىرى بيزنەس سۋبەكتىلەرى اراسىندا مەموراندۋمدارعا قول قويىلىپ، بوس جۇمىس ورىندارى جارمەڭكەسى وتكىزىلدى»، - دەپ حابارلادى وبلىستىق پروكۋراتۋرانىڭ باسپا ءسوز قىزمەتى.
قولعا الىنعان شارالاردىڭ ناتيجەسىندە جۇمىسسىز رەتىندە اليمەنتكە بورىشكەر 600 ازامات ەسەپكە الىنىپ، ولاردىڭ 132 ءسى جۇمىسپەن قامتىلدى.