استانالىق شەنەۋنىكتەر قوعامدىق كولىكتەرگە مىنە باستادى
11:14, 31 - شىلدە 2017
استانا. قازاقپارات - استانا قالالىق جاستار ساياساتى ماسەلەلەرى باسقارماسىنىڭ باسشىسى اسحات ورالوۆ ءوزىنىڭ Facеbook-تەگى پاراقشاسىندا №25 باعىتتاعى اۆتوبۋستىڭ كوندۋكتورىمەن تۇسكەن سۋرەتىن جاريالادى.
سۋرەتتىڭ اۆتوبۋس ىشىندە تۇسىرىلگەنى كورىنىپ تۇر. «بارلىق قالالاردا جاستار پايدالاناتىن كولىك ءتۇرى اۆتوبۋس ەكەنى بەلگىلى. استانادا دا سولاي. سوندىقتان جاستار قالا اكىمىنىڭ باستاماسىن تولىق قولدايدى»، - دەپ جازدى اسحات ورالوۆ.
ايتا كەتەيىك، استانا اكىمى اسەت يسەكەشيەۆ ەلوردا اكىمدىگىندە بولعان ماجىلىستەردىڭ بىرىندە قالا باسشىلارىنا قوعامدىق كولىكپەن ءجۇرۋدى تاپسىرعان بولاتىن.
«ەلوردا باسشىلارى، قالا اكىمىنەن باستاپ، ونىڭ ورىنباسارلارى، اۋدان اكىمدەرى مەن ولاردىڭ ورىنباسارلارى، سونداي- اق باسقارما باسشىلارى، ۇيىمدار مەن مەكەمەلەردىڭ جەتەكشىلەرى كۇنىنە ەڭ قۇرىعاندا ءبىر رەت قوعامدىق كولىكپەن جۇرۋلەرى كەرەك»، - دەدى قالا باسشىسى.
اۋدارما: ايدار وسپاناليەۆ