ءدىني فاناتيزم پسيحيكالىق اۋىتقۋدىڭ ءبىر ءتۇرى - ساراپشىلار
دەپ حاباردايدى ءدىن ىستەرى كوميتەتىنىڭ باسپا ءسوز قىزمەتى.
ءىس- شارا «راديكالدىق ءدىني كوزقاراستارى بار ادامدارعا تەولوگيالىق وڭالتۋدى ۇيىمداستىرۋ (ەركىن جاماعاتتار)» جوباسى شەڭبەرىندە ىسكە اسىرىلۋدا. جوبانىڭ نەگىزگى ماقساتى - تەولوگيالىق وڭالتۋ ماسەلەلەرى بويىنشا مامانداردى دەسترۋكتيۆتى ءدىني اعىمداردىڭ ەرۋشىلەرىمەن، ونىڭ ىشىندە راديكالدى كوزقاراستارى بار ادامدارمەن جۇمىس جاساۋعا قاجەتتى ءبىلىم مەن داعدىلارعا باۋلۋ بولىپ تابىلادى.
«تەرروريزمگە قارسى كوميتەت» ر ق ب پرەزيديۋمىنىڭ ءتوراعاسى امانجول ورازبايەۆتىڭ مالىمدەۋىنە سايكەس، دەسترۋكتيۆتى ءدىني اعىمداردىڭ جاقتاستارىن وڭالتۋ جانە بەيىمدەۋ بويىنشا قالىپتاستىرىلعان ادىستەمەلىك قاعيدالاردى اپروباتسيالاۋ جانە ەندىرۋ بويىنشا پيلوتتىق جوبا ەلىمىزدىڭ سەگىز ءوڭىرى مەن استانا قالاسىندا سىنالاتىن بولادى. ءبىرىنشى كەزەڭدە ترەنينگ نەگىزىنەن قازاقستان مۇسىلماندارى ءدىني باسقارماسىنىڭ يمامدارى اراسىنان نەعۇرلىم دايىندالعان 14 تەولوگ ءۇشىن وتكىزىلەدى.
«تەرروريزمگە قارسى كوميتەت» دارىستەر مەن ترەنينگتەر تاقىرىپتارىن تاڭداۋعا ەرەكشە كوڭىل ءبولدى، ولاردى وتكىزۋ ءۇشىن جوعارى بىلىكتى ماماندار شاقىرىلدى - پسيحولوگ شاكيموۆا لولا سەرگەيەۆنا، ءدىنتانۋشى دەنيسەنكو يۋليا ولەگوۆنا.
ءبىرقاتار شەتەل عالىمدارى مەن ساراپشىلاردىڭ پىكىرلەرىنە سايكەس، ءدىني فاناتيزم پسيحيكالىق اۋىتقۋدىڭ ءبىر ءتۇرى بولىپ تابىلادى. سەميناردا وڭالتۋ جۇمىستارىنىڭ تەولوگيالىق اسپەكتىلەرى دايىندالعان تەولوگتارمەن، ونىڭ ىشىندە قمدب ءبولىم باسشىسى ەرشات وڭعاروۆپەن تۇسىندىرىلەدى. سەمينار بارىسىندا دەسترۋكتيۆتى اعىمدارعا ەرۋ سەبەپتەرى، راديكالدىق كوزقاراستارعا ەرۋ جانە ودان باس تارتۋ بەلگىلەرى، پسيەۆدودىني اعىمداردىڭ سيپاتتامالارى جانە ت. ب. سياقتى سۇراقتار قاراستىرىلدى.
ترەنينگتەردە ءارتۇرلى پسيحولوگيالىق تەحنيكالار مەن ادىستەر قاراستىرىلادى. تەستتىك رەجيمدە كەيىنگى ءىس- قيمىلدار الگوريتمىن پىسىقتاۋمەن كۇردەلى سيتۋاتسيالىق ديالوگتار ورىندالۋدا. سەمينار قاتىسۋشىلارىنا پسيحولوگيالىق بايلانىستى ورناتۋ، كەڭەس بەرۋلەردى وتكىزۋ، وڭالتىلاتىن ادامدارعا تەولوگيالىق، قۇقىقتىق، الەۋمەتتىك كومەك جانە قولداۋ كورسەتۋ بويىنشا ادىستەمەلىك ۇسىنىمدار ۇسىنىلدى. ءدىني ەكسترەميزم مەن راديكاليزم كورىنىستەرىنىڭ الدىن الۋ ماسەلەلەرى بويىنشا مەملەكەتتىڭ ۇكىمەتتىك ەمەس سەكتورمەن جانە ءدىني بىرلەستىكپەن الەۋمەتتىك ارىپتەستىگىنىڭ اتالعان جوباسى جەرگىلىكتى جەرلەردە جۇرگىزىلىپ وتىرعان نۇكتەلى وڭالتۋ جۇمىسىن ودان ءارى كۇشەيتۋدى كوزدەيدى.