ۇلتتىق مەيرامدا مۇيىزىنە وت قويىلعان بۇقا جۇرەگى جارىلىپ ءولدى - ۆيدەو
20:37, 28 - شىلدە 2017
استانا. قازاقپارات - مەيرامدا مۇيىزىنە وت قويىلعان بۇقانىڭ جۇرەگى جارىلىپ كەتتى.
وقيعا يسپانيانىڭ فويوس قالاسىندا «فيەستا» ۇلتتىق مەرەكەسىن تويلاۋ كەزىندە بولعان.
كوپشىلىك جينالىپ اينالا قورشاپ تۇر. ۇيىمداستىرۋشىلار ورتادا بۇقانىڭ مۇيىزىنە وت قويىپ، بوساتىپ جىبەرەدى. بۇقا وتتى وشىرمەك بولىپ، الدىندا تۇرعان باعاناعا سوعىلادى. تەكسەرە كەلە ونىڭ وتتان جۇرەگى جارىلىپ ولگەنى انىقتالعان.
ال، ەل بيلىگى مۇنى ادەيى جاسالعان وقيعا ەمەس، جازاتايىم بولعان دەپ ەشقانداي شارا قولدانعان جوق.