ەلىمىزدىڭ قارۋلى كۇشتەرى جاڭا اۋە تەحنيكالارىمەن تولىعادى

استانا. قازاقپارات - ەلىمىزدىڭ قارۋلى كۇشتەرى جاڭا اۋە تەحنيكالارىمەن تولىعادى. بۇل تۋرالى بۇگىن اسكەري- اۋە كۇشتەرىنىڭ قولباسشىسى داۋرەن قوسانوۆ حابارلادى.

ونىڭ ايتۋىنشا، بيىل تاعى ەكى س ۋ-30 جويعىشى مەن ءتورت مي-35 تىك ۇشاعى ساتىپ الىنادى. سونداي- اق بۇگىن كاسىبي دايىندىقتارىن پىسىقتاعان كوك اسپان ساقشىلارى كەزەكتى رەت وتكىزىلگەن وقۋ- جاتتىعۋلارىن قارۋلى كۇشتەرىمىزدىڭ 25 جىلدىعىنا ارنادى.

 اۋە الاڭىنان كوتەرىلمەس بۇرىن باسشىلاردان نۇسقاۋ الىپ، دايىندىعىن كورسەتىپ تۇرعان بۇل ۇشقىشتار وقۋ- جاتتىعۋ الدىندا دا جاۋاپكەرشىلىكتى كوكەيدەن شىعارعان ەمەس. استاناداعى №19132 اسكەري ءبولىمىنىڭ اۋە بازاسىندا وتكىزىلگەن وقۋ- جاتتىعۋلار قارۋلى كۇشتەرىمىزدىڭ 25 جىلدىعىنا ارنالدى. م ي-17ۆ-5، مي-171ش جانە EC-145 تىكۇشاقتارىن تىزگىندەگەن جاس ماماندار كەزەكتى رەت كاسىبي شەبەرلىكتەرىن شىڭدادى. ولاردىڭ بارلىعى دەرلىك كەڭەس وداعىنىڭ ەكى مارتە باتىرى تالعات بيگەلدينوۆ اتىنداعى اسكەري ينستيتۋتىنىڭ تۇلەكتەرى. سولاردىڭ ءبىرى - 23 جاستاعى التاي كاميەۆ. بايقوڭىر تۋماسىنىڭ ايتۋىنشا، ءاربىر پيلوت اسكەري اۋە تەحنيكانى تىزگىندەمەس بۇرىن، ۇشۋعا فيزيكالىق جانە پسيحولوگيالىق تۇرعىدا تىڭعىلىقتى دايىندالۋى قاجەت.

التاي كاميەۆ، ۇشقىش:

 - 2011 -جىلى اقتوبە قالاسىنداعى اۋە قورعانىسى كۇشتەرىنىڭ اسكەري ينستيتۋتىنا تۇسكەنمىن. 2015 -جىلى ول ينستيتۋتتى ءبىتىرىپ، وسى استاناعا كەلدىم. بۇل تىكۇشاقتىڭ ۇشۋ كورسەتكىشتەرى وتە جوعارى دەڭگەيدە. ونىڭ بارلىعى ۇشقىشتارعا جۇمىسىن جەڭىلدەتەدى.

ميرلان التىنبەك، ءتىلشى:

 - ۇشقىشتاردىڭ ايتۋىنشا، مي-8 تىكۇشاعىنان بۇل ەس-145، ياعني ەۋروكوپتەر تىكۇشاعىنىڭ باستى ايىرماشىلىعى - ىزدەستىرۋ جۇمىستارىندا تاپتىرماس اۋە تەحنيكاسى. بۇل ەۋروپالىق تىكۇشاقتىڭ باستى ايىرماشىلىعى ونىڭ سىيىمدىلىعى جاعىندا. ياعني ەكيپاج مۇشەسىمەن قوسقاندا بۇل تىكۇشاققا 10 ادام سىيادى. ەكيپاج ورىندىعىن اۋىستىرىپ، جولاۋشىنى دا وتىرعىزۋعا بولادى. قازاقستان رەسپۋبليكاسىنىڭ اسكەري- اۋە كۇشتەرىنىڭ قولباسشىسى داۋرەن قوسانوۆتىڭ ايتۋىنشا، تەحنيكالاردىڭ جارامدىلىعى ونىڭ شىققان جىلىنا ەمەس، تەحنيكالىق جاعدايىنا بايلانىستى. «ويتكەنى اسكەري اۋە كەمەلەرىنىڭ فيۋزەلياجىنان باسقاسىنىڭ بارلىق بولشەگى اۋىستىرىلىپ، قوزعالتقىشتارى جاڭارتىلادى»، - دەيدى اۆياتسيا گەنەرال- مايورى.

داۋرەن قوسانوۆ، ق ر قك اسكەري- اۋە كۇشتەرىنىڭ قولباسشىسى:

 - بيىل تاعى ەكى سۋ-30 ساتىپ الامىز جانە ءتورت مي-35 تىكۇشاعىن ساتىپ الامىز.

ۇشقىشتاردىڭ جاڭا تەحنيكالاردى تەز مەڭگەرۋ ماسەلەسى دە قاراۋسىز قالعان ەمەس. اسكەري- اۋە كۇشتەرى قولباسشىسىنىڭ تاربيە جونىندەگى ورىنباسارى ەركىن جۇماعاليەۆتىڭ ايتۋىنشا، ساتىپ الىنعان ۇشاقتاردى باسقارۋ ءۇشىن ۇشقىشتار مەن تەحنيكتەر دە شەتەلدەردە ارنايى كۋرستاردان وتەدى.

ەسكە سالايىق، اسكەري اۋە بازاسىنداعى ۇشاقتار مەن تىكۇشاقتاردىڭ كوبى كورشى رەسەيدەن ساتىپ الىنعان تەحنيكالار. الداعى ۋاقىتتا يل-476 جانە ا-400 ۇشاقتارى مەن قىتايلىق «ۆينگ- لۋنگ» جەردەن باسقارىلاتىن اۋە اپپاراتتارىن ساتىپ الۋ جوسپاردا بار. ال 1970 -جىلى قۇراستىرىلعان سۋ-24، ميگ-23 پەن ميگ-27 جويعىشتارى قولدانىستان شىعارىلدى.

www.24.kz