الماتىدا ساۋد ارابياسىنىڭ رەفورماتور كورولىنىڭ جەكە مۇراجايى اشىلدى - فوتو

الماتى. قازاقپارات - الماتىداعى قازاقستاننىڭ مەملەكەتتىك ورتالىق مۋزەيىندە ساۋد ارابياسىنىڭ كورولى فەيسال يبن ابدۋلل ءازيز ءال ساۋدتىڭ جەكە كوللەكسياسى نەگىزىندەگى «ءال فەيسال: كۋاگەر جانە شەيىت» اتتى كورمە اشىلدى، دەپ حابارلايدى قازاقپارات ءتىلشىسى.

ايتا كەتەيىك، قازاقستان رەسپۋبليكاسى مەملەكەتتىك ورتالىق مۋزەيى ءتۇرلى ەلدەردىڭ كەشەگى ءارى بۇگىنگى تىنىس- تىرشىلىگىمەن تانىستىرۋ ماقساتىندا ءىس- شارالار مەن كورمەلەردى ۇدايى وتكىزىپ كەلەدى.

كورمەدە ابسوليۋتتىك مونارحيا باسقارۋ جۇيەسىن ۇستاناتىن ساۋد ارابياسى تاريحىنان سىر شەرتەتىن كورمەدە ساۋد ارابياسىنىڭ ءۇشىنشى كورولى فەيسال يبن ابدۋل-ءازيز ءال ساۋدتىڭ (1906-1975 ج ج. ) تۇتىنعان جەكە زاتتارى مەن وعان قاتىستى مۇراعاتتىق قۇجاتتار قويىلعان. 1964-1975 ج ج. بيلىك قۇرعان فەيسال يبن ابدۋل-ءازيز ءال ساۋد «ساۋدتتار» اۋلەتىنەن شىققان.

«ساۋدتتار» اۋلەتى شامامەن 1446 -جىلدان باستاۋ الادى. قازىرگى تاڭدا ەلدەگى ابسوليۋتتىك بيلىككە يە جالعىز وتباسى. فەيسال يبن ابدۋل-ءازيز ءال ساۋد ءوز ەلىندە ءبىرقاتار اۋقىمدى ساياسي جانە ەكونوميكالىق رەفورمالاردى تابىستى جۇزەگە اسىرىپ، ەلدىڭ الەۋەتىن ارتتىرۋدا ۇلكەن ءىس تىندىرعان باسشى رەتىندە سۋرەتتەلگەن.

اۆتور: الماس مۇقاش ۇلى