ۇلتتىق برەندتى انىقتاۋ وتىنىمدەرىنىڭ ەشقايسىسى ەلەڭ ەتكىزە المادى

استانا. قازاقپارات - قازاقستاننىڭ ۇلتتىق برەندىن انىقتاۋ كونكۋرسىنا تۇسكەن وتىنىمدەردىڭ بىردە- ءبىرى زور قىزىعۋشىلىق تۋدىرا المادى.

بۇل تۋرالى بۇگىن ۇكىمەت ۇيىندە وتكەن باسپا ءسوز ءماسليحاتىندا قر اقپارات جانە كوممۋنيكاتسيالار ءمينيسترى داۋرەن ابايەۆ ءمالىم ەتتى، دەپ حابارلايدى قازاقپارات.

«ءيا، شىنىمەن دە بىزدە قازاقستاننىڭ ۇلتتىق برەندىن انىقتاۋ بويىنشا كونكۋرس وتكىزۋ تۋرالى تاپسىرما بولعان ەدى. وزدەرىڭىزدە جاقسى بىلەسىزدەر، 960 ءوتىنىم ءتۇستى. ازاماتتار تارابىنان قىزىعۋشىلىق وتە ۇلكەن بولدى. ءبىراق بىردە- ءبىر ءوتىنىم ساراپتاما توپتىڭ، ەكسپەرتتىك كوميسسيانىڭ ءجىتى نازارىن اۋدارتا العان جوق. ياعني، بىردە- ءبىر كونكۋرستىق ءوتىنىم زور قىزىعۋشىلىق تۋدىرمادى. مەنىڭشە، بۇل جۇمىستى سىرتقى ىستەر مينيسترلىگىمەن، مەملەكەتتىك ورگاندارمەن، ق ر پرەزيدەنتى اكىمشىلىگىمەن بىرلەسىپ، وسى جىلدىڭ كۇزىندە جالعاستىراتىن بولامىز»، - دەدى داۋرەن ابايەۆ ب ا ق وكىلدەرىنىڭ ساۋالىنا وراي.

 ايتا كەتەيىك، قازاقستان رەسپۋبليكاسىنىڭ ۇلتتىق برەندىن انىقتاۋ جونىندەگى بايقاۋعا قاتىسۋشىلار مىنالاردى ۇسىنۋى ءتيىس:

 1. لوگوتيپ - الەمدىك ارەنادا قازاقستاننىڭ تانىمالدىعىن ارتتىرۋ ءۇشىن قولداناتىن گرافيكالىق بەلگى (ەمبلەما/سيمۆول) . وندا ستيلدەنگەن ارىپتەر جانە/نەمەسە ءسوز تۇرىندە سايكەستەندىرگەن برەندتىڭ اتاۋى كورىنىس تابۋى قاجەت.

 لوگوتيپ jpeg, png, giff فورماتتاردا، 1000x1000 pxكولەمىندە ۇسىنىلۋى ءتيىس.

 2. ۇران - تۋريستىك جانە ينۆەستيتسيالىق تارتىمدىلىقتى ارتتىرا وتىرىپ، قازاقستاندىق برەندكە دەگەن سەنىمدىلىگىن كۇشەيتۋ ارقىلى ماقساتتى اۋديتوريانىڭ نازارىن تارتۋعا ارنالعان جارنامالىق كوممۋنيكاتسيانىڭ بارلىق تۇرىندە قولدانىلاتىن حابارلامانى سيپاتتايتىن يميدجدىك ديەۆيز بولىپ تابىلادى. ۇران وڭاي وقىلاتىن، جيناقى، قىزىعۋشىلىق تۋعىزاتىن بولۋى ءتيىس جانە مەملەكەتتىك، ورىس جانە اعىلشىن تىلدەرىندە ۇسىنىلۋى كەرەك.

 3. قازاقستان رەسپۋبليكاسى ۇلتتىق برەندىنىڭ تۇجىرىمداماسىن ەركىن فورماتتا مەملەكەتتىك جانە ورىس تىلدەرىندە دايىنداپ، ۇسىنۋعا بولادى.

 اۆتور: مارلان جيەمباي