قازاقستاندىق سۋدا ءجۇزۋشى ءادىل قاسقاباي جاڭا رەكورد ورناتتى

استانا. قازاقپارات - بۋداپەشتتە سۋ سپورتى تۇرلەرى بويىنشا الەمنىڭ FINA بىرىنشىلىگىندە جۇزگىش ءادىل قاسقاباي 100 مەتر قاشىقتىقتا قۇلاشتاپ جۇزۋدەن مەجەگە 50 سەكۋندتا كەلىپ، ۇزاق ۋاقىتتان بەرى العاش رەت قازاقستان رەكوردىن ورناتتى، دەپ حابارلايدى ق ر سۋ سپورتى تۇرلەرى فەدەراتسياسىنىڭ باسپا ءسوز قىزمەتى.

ءادىل ءوزىنىڭ بۇرىنعى 50.10 سەكۋندت ناتيجەسىن جاقسارتىپ، قاشىقتىقتى 49.81 سەكۋندت ۋاقىتىمەن اياقتادى.

«بۇگىندە قازاقستاندىق كرول ادىسىمەن جۇزۋشىلەر ءۇشىن ءادىلدىڭ ناتيجەسى - تاريحي قادام. وسى 50 سەكۋندقا ۇزاق ۋاقىت بويى قول جەتكىزە الماي جۇرگەن ەدىك»، - دەدى ءجۇزۋ قۇراماسىنىڭ باس باپكەرى ولەگ ۆاگيزوۆ.

«ءبىراق ءادىل بۇل توسقاۋىلدى بۇزدى، ەندى ءبىزدىڭ كروليستەر تەز جۇزەدى دەپ سەنەمىن. الەم چەمپيوناتىنا دايىندىق ءۇشىن جەتى جاس ءوسپىرىمدى جاتتىقتىرۋ ءۇشىن ىرىكتەپ الدىق. ونىڭ ىشىندە دميتري بالاندين دە بار».

جۇزۋشىلەردى دايىنداۋ جونىندەگى كەشەندى عىلىمي توپ ق ر مادەنيەت جانە سپورت مينيسترلىگى مەن ق ر سۋ سپورتى تۇرلەرى فەدەراتسياسىمەن بىرلەسىپ، 2013-جىلى قۇرىلعان ەدى.