قازاقستان اسكەري كەمەلەرى ازەربايجانعا باردى

استانا. قازاقپارات - قازاقستان اسكەري-تەڭىز كۇشتەرى كەمەلەرى اسكەري-تەڭىز داستۇرلەرىنە ساي سالتاناتتى جاعدايدا ازەربايجاننىڭ اسكەري-تەڭىز كۇشتەرى شوعىرلانعان پۋتا پورتىنا كىردى.

بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.

«سارىارقا» زىمىراندى-ارتيللەريالىق كەمەسى مەن «قازاقستان» قوسالقى زىمىراندى-ارتيللەريالىق كەمەسى «ارحو-2017» شەڭبەرىندە ازەربايجان رەسپۋبليكاسىنىڭ اۋماعىندا وتەتىن «تەڭىز كۋبوگى-2017» حالىقارالىق بايقاۋىنا قاتىسۋ ءۇشىن سول ەلدىڭ تەڭىز ايلاعىنا كەلدى.

قازىرگى ۋاقىتتا بايقاۋ وتەتىن ورىنداردا قاتىسۋشى ەلدەردىڭ سۋ ءۇستى كەمەلەرىنىڭ ەكيپاجدارى اراسىندا تىكەلەي دايىندىقتار باستالىپ كەتتى.

بۇل بايقاۋعا ازەربايجان، قازاقستان، رەسەي جانە يراننىڭ اسكەري قىزمەتشىلەرى قاتىسادى. «تەڭىز كۋبوگى-2017» بايقاۋى 1-11- تامىز ارالىعىندا وتەدى.