پاۆلوداردا ەۋرو ۆاليۋتاسىن ساتىپ الۋشىلار سانى ارتقان
بۇل تۋرالى قازاقستان ۇلتتىق بانكى پاۆلودار فيليالىنىڭ قارجىلىق وپەراتسيالاردى باقىلاۋ ءبولىمىنىڭ باسشىسى قىمبات تۋرگۋلدينوۆا ايتتى. "جەرگىلىكتى تۇتىنۋشىلار اعىمداعى جىلدىڭ قاڭتار ايىندا بارلىعى 1,085 مىڭ كولەمىندە ەۋرو ساتىپ العان بولسا، ماۋسىم ايىندا ول كورسەتكىش 2,081 مىڭعا جەتتى. ياعني ەكى ەسەگە دەيىن ارتىپ وتىر.
سەبەبى، جاز ايى شەتەلدىك ۆاليۋتالاردىڭ ەڭ كوپ اينالىمعا تۇسەتىن مەزگىلى. وسى ۋاقىتتا شەت مەملەكەتتەرگە دەمالىسقا شىعۋشىلار مەن ساۋدا- ساتتىق جاساۋشىلاردىڭ قاتارى ارتادى. اسىرەسە، گەرمانيا مەن رەسەيگە بارۋشىلاردىڭ قاراسى قالىڭ"، - دەيدى قىمبات تۋرگۋلدينوۆا. ءبولىم باسشىسىنىڭ ايتۋىنشا، جىل باسىنان بەرى قازاقستان ۇلتتىق بانكى تاراپىنان ەكىنشى دەڭگەيلى بانكەتەردەگى ايىرباستاۋ پۋنكتتەرىنە 20 كۋالىك بەرىلگەن.
بىلتىر توعىز ايىرباستاۋ پۋنكتى العان. ۋاكىلەتتى بانكتەردەگى ايىرباستۋ پۋنكتتەردىڭ جالپى سانى 114 تى قۇرايدى. ونىڭ 73 ى پاۆلودار، 24 ى ەكىباستۇز، 7 ى اقسۋ جانە 10 ى اۋدان ورتالىقتارىندا. ياعني، ۋسپەن، لەبياجى، باياناۋىل، جەلەزين، اقسۋ، ەرتىس، كاچير، شارباقتى اۋداندارى مەن مايقايىڭ كەنتىندە.
ال، ۋاكىلەتتى مەكەمەلەردە ورنالاسقان ايىرباستاۋ پۋنكتتەردىڭ سانى - 25. ونىڭ 22 سى پاۆلوداردا، ەكەۋى ەكىباستۇزدا، بىرەۋى اقسۋدا. مامانداردىڭ سوزىنشە، بيىل اقشا ايىرباسىنا بايلانىستى 13 اكىمشىلىك ءىس قوزعالعان. ونىڭ ەكەۋى سوت شەشىمىمەن توقتاتىلدى. ال، جالپى سانى 11 ۋاكىلەتتى ورگاندار مەن زاڭدى تۇلعالارعا اكىمشىلىك ايىپپۇل سالىندى.