ونىڭ ىشىندە قاۋىن- قاربىز بار. قاربىزدىڭ ءتاتتىسىن قالاي تاڭداۋ كەرەك؟
ءبىزدىڭ كەڭەسىمىزگە قۇلاق ءتۇرىڭىز
قاربىزدا قوڭىرقاي داقتار كوپ بولسا تۇقىمنىڭ سوعۇرلىم توزاڭدانعانىن بىلدىرەدى. قوڭىرقاي داق نەعۇرلىم كوپ بولسا ول قاربىزدىڭ ابدەن پىسكەنى. سوندىقتان دا قاربىز الاردا سىرتىنىڭ ادەمىلىگىنە ەمەس، قوڭىراي داقتارىنىڭ كوپتىگىنە قاراڭىز.
قاربىز وسىرۋشىلەر قاربىزداردى «ۇل» مەن «قىزعا» بولەدى. «ۇل» قاربىزدار ۇزىنشا سوپاق كەلەدى ءارى قۇرامىندا سۋى كوپ بولادى. ال «قىز» قاربىزدار قويۋ ءارى ءدامدى كەلەدى. سوندىقتان قاربىز الاردا دومالاعىن ىزدەڭىز.
قاربىزداعى سارى داق تا ونىڭ قانشالىقتى پىسكەنىن كورسەتەدى. ابدەن پىسكەن قاربىزداردىڭ جەردە جاتقان جەرى قىزعىلت- قوڭىرقاي بولۋى ءتيىس. ال اشىق سارعىش بولسا قاربىزدىڭ دۇرىس پىسپەگەنى.
قاربىزدىڭ ءتۇيىن ساباعىنا قاراپ تا ونىڭ قانشالىقتى پىسكەنىن بىلۋگە بولادى. ابدەن پىسكەن قاربىزدىڭ ساباعى سارعايىپ تۇرادى نەمەسە قۋراپ ءتۇسىپ قالادى. ال پىسپەگەن قاربىزدىكى بالعىن بولادى.
دەرەككوز: Reactor