اتىراۋ كوشەلەرىندە جاتىپىشەرلەر جايلى الەۋمەتتىك جارنامالار پايدا بولدى - فوتو
ازىرگە سۋرەتشى اڭساعان مۇستافانىڭ جۇمىستارى بەينەلەنگەن ءتورت بيلبورد ورنالاستىرىلدى. ولاردىڭ بىرىندە قارت اناسىنىڭ زەينەتاقىسىنا كۇنەلتەتىن سەمىز ادام بەينەلەنگەن. ەندى ءبىرى كەرەۋەتتە جاتىپ جۇمىس كۇتىپ جاتقان ەرىنشەكتى مىسقىلدايدى. سۋرەتشى بۇگىنگى قوعامداعى الەۋمەتتىك جەلىلەرگە تاۋەلدىلىكتى دە نازاردان تىس قالتىرماعان. سۋرەتتەردىڭ اۆتورى اڭساعان مۇستافا - كاسىبي سۋرەتشى. ونىڭ قولىنان شىققان جۇمىستارىنىڭ كورمەسى استانا، الماتى جانە باسقا دا قازاقستان قالالارىندا وتكىزىلدى.
«بۇگىنگى قوعامداعى ادامداردىڭ كەمشىلىگىن ءاجۋالايتىن جۇمىستار جاساۋ تۋرالى ۇسىنىستى قالا اكىمىنىڭ ورىنباسارى مەيىرىم قالاۋي ايتتى. مەن بۇل ۇسىنىستى قۋانا قابىل الدىم» ، - دەدى «قازاقپارات» حاا تىلشىسىنە ا. مۇستافا.
«اڭساعان بىزگە 50 گە جۋىق جۇمىسىن جىبەردى. الەۋمەتتىك جارنامالاردىڭ كوپشىلىك نازارىن اۋدارتا العانىن كورىپ وتىرمىز. بۇل سۋرەتتەر جايلى الەۋمەتتىك جەلىلەردە دە كوپ جازىلا باستادى. سوندىقتان مۇنداي سۋرەتتەردى الداعى ۋاقىتتا دا قالا كوشەلەرىنە ءىلىپ قويۋدى جالعاستىرا بەرەمىز»، - دەدى م. قالاۋي.