استانادا باۋىرساق جانە قىمىز فەستيۆالى وتەدى

استانا. قازاقپارات - 29-30 -شىلدەدە «قازاقستان» س ك-نىڭ كولىك تۇراعىندا اتىراۋ، جامبىل جانە قاراعاندى وبلىستارىنىڭ جارمەڭكەسى وتەدى، دەپ حابارلايدى اكىمدىكتىڭ سايتى.

جالپى 360 توننا اۋىلشارۋاشىلىق ونىمدەرى جەتكىزىلمەك، ونىڭ ىشىندە: ەت جانە ەت ونىمدەرى - 101 ت، ءسۇت ونىمدەرى - 34 ت، قانت - 10 ت، كوكونىس - 153 ت، نان جانە توقاش ونىمدەرى - 12 ت جانە ت. ب. قاراعاندى وبلىسى باۋىرساق جانە قىمىز فەستيۆالىن وتكىزەدى. قالا تۇرعىندارى مەن قوناقتارى ءۇشىن «ارقا سازى» فولكلور انسامبلى كونسەرتتىك باعدارلاماسىن ۇسىنادى. وڭىرلىك جارمەڭكەلەر اۋىلشارۋاشىلىق ونىمدەرىن نارىقتاعى باعادان 10-15 پايىزعا ارزان ساتىپ الۋ ءۇشىن وتكىزىلەدى. 5-6 -تامىزدا ەلوردادا سولتۇستىك قازاقستان وبلىسىنىڭ جارمەڭكەسى وتكىزىلەدى دەپ كۇتىلۋدە.