قازاقستاندىق اۋىر اتلەتشى ازيا چەمپيوناتىندا ەكى مەدالگە يە بولدى

استانا. قازاقپارات - كاتماندا (نەپال) ءوتىپ جاتقان جاستار مەن جاسوسپىرىمدەر اراسىنداعى ازيا چەمپيوناتىنىڭ ءبىرىنشى جارىس كۇنىندە قازاقستان قۇراماسى بىردەن ەكى مەدالگە يە بولدى، دەپ حابارلايدى اۋىر اتلەت فەدەراتسياسىنىڭ باسپا ءسوز قىزمەتى.

«جاسوسپىرىمدەر اراسىندا 62 كەلىگە دەيىنگى سالماق دارەجەسىندە قازاقستاندىق اۋىر اتلەت اناتولي ساۆەليەۆ 280 (128 152) كەلىنى كوتەرىپ، توپ جاردى.

بۇل كورسەتكىش وعان 20 جاسقا دەيىنگى جاسوسپىرىمدەر - ەرەسەك قاتىسۋشىلار اراسىندا «كۇمىس» جۇلدەنى اكەلدى. ول تەك قىتايلىق شياۋ شيمينگە 287 (137 150) كەلى ەسە جىبەردى»، - دەلىنگەن حابارلامادا.

بۇگىن 18.15-تە 69 كەلىگە دەيىنگى سالماق دارەجەسىندە (ا توبى) ازيا چەمپيوناتىنىڭ تۇعىرىنا 17 جاستاعى قازاقستان وكىلى - قۇزعانبايەۆا كارينا شىعادى.