اۋىل شارۋاشىلىعى مينيسترلىگى دايىن ءونىم شىعاراتىن كاسىپورىندارعا بارىنشا كومەك بەرۋدى كوزدەيدى
دەپ حابارلايدى قازاقپارات ءتىلشىسى.
«ارنايى جۇمىس توبى اۋىل شارۋاشىلىعى سالاسىنداعى ءونىم وڭدەۋدى جان- جاقتى زەردەلەپ شىقتى. ءتورت اي بويى كاسىپكەرلەر، عالىمدار، مينيسترلىك پەن جەرگىلىكتى بيلىك وكىلدەرى بارلىق ونەركاسىپ ورىندارىن ارالادى. مالىمەتتەر جيناپ، ساۋالناما جۇرگىزدى. ءاربىر كاسىپورىننىڭ ءونىم وڭدەۋ كولەمىن، تەحنيكالىق جاعدايىن ساراپتاپ شىقتى. سونىڭ نەگىزىندە وڭدەۋ كاسىپورىندارىنىڭ بازاسى جاساقتالدى. بۇگىندە رەسپۋبليكا بويىنشا ونداي نىسانداردىڭ سانى 1345- ءتى قۇرايدى»، - دەدى ق ر اۋىل شارۋاشىلىعى ءمينيسترى اسقار مىرزاحمەتوۆ ۇكىمەتتىڭ بۇگىنگى وتىرىسىندا.
الايدا قازىرگى يمپورتتىق تاۋارلاردىڭ كولەمىن ەسكەرە وتىرىپ، ءونىم وڭدەۋدىڭ ناقتى 9 باعىتى انىقتالدى. اتالعان باعىتتار بويىنشا 435 كاسىپورىن جۇمىس ىستەيدى. سونىڭ ىشىندە ءسۇت، ەت، قانت قىزىلشاسى، كارتوپ، مايلى داقىلدار، بيداي، كوكونىس، تەرى مەن ءجۇن وڭدەۋ ورىندارى بار. ءدال وسى سالالاردا جۇمىس ىستەپ جاتقان كاسىپورىندارعا مەملەكەتتىك قولداۋ جاسالماقشى. اۋىل شارۋاشىلىعى مينيسترلىگى ولارعا ءوز ونەركاسىپتەرىن جاڭارتۋعا، سونداي- اق جاڭا كاسىپورىنداردى سالۋعا جەڭىلدەتىلگەن نەسيەلەردى بەرۋدى ۇسىنىپ وتىر.
«اتالعان باعىتتار بويىنشا بەرىلگەن نەسيەلەردىڭ مولشەرلەمەسىن سۋبسيديالاۋعا بولادى. ماسەلەن، سىياقى ستاۆكاسىن تومەندەتۋ بويىنشا سۋبسيديانى 4 پايىزدىڭ كولەمىندە بەكىتۋ تۋرالى ۇسىنىس بار. وعان 24,1 ميلليارد تەڭگە قاجەت. نەسيە ستاۆكاسىن ارزانداتۋعا ارنالعان سۋبسيديانى 10 پايىزعا دەيىن بەرۋگە بولادى. وسى ماقساتقا 38,1 ميلليارد تەڭگە كەرەك. ال جاڭا كاسىپورىندار مەن ەسكى ونەركاسىپتەردى جاڭارتۋ شارالارىنا تاعى 50 ميلليارد تەڭگە قاجەت بولادى. جالپى، وڭدەۋ كاسىپورىندارىنىڭ كارتاسىن تولىعىمەن ىسكە اسىرۋعا ءتورت جىلدا 112,1 ميلليارد تەڭگە كەتەدى»، - دەپ اتاپ كورسەتتى اسقار مىرزاحمەتوۆ.
اۆتور: ارمان اسقاروۆ