«بىزدەگى مالىمەتتەرگە سايكەس، التى قازاقستاندىق ستۋدەنت 20 - شىلدەدەن باستاپ جاقىندارىمەن بايلانىسقا شىقپاعان. ولاردىڭ ەكەۋى 11 - شىلدە كۇنى ەكى ايلىق تىلدىك كۋرستان ءوتۋ ءۇشىن كايرگە كەلگەن. بارلىعى ءبىر پاتەردە تۇرعان. 20 - شىلدەدەن باستاپ ولارمەن بايلانىس ۇزىلگەن. سول ساتتەن باستاپ قازاقستاندىق ديپلوماتتار ىزدەۋ شارالارىنا كىرىسىپ كەتتى. قازاقستاننىڭ ەلشىلىگى مىسىردىڭ سىرتقى ىستەر مينيسترلىگىنە قازاقستاندىق ازاماتتاردى ىزدەۋگە جانە قاي جەردە ەكەندىكتەرىن انىقتاۋعا جاردەم بەرۋلەرىن ءوتىنىپ نوتا جولدادى. قازىرگى ۋاقىتتا قازاقستاندىقتاردى ىزدەۋ جۇمىستارى جالعاسۋدا. مەنىڭ بىلۋىمشە، ولار «نيل» دەپ اتالاتىن وقۋ ورنىندا ءبىلىم الىپ جاتقان. ەلشىلىگىمىزدىڭ دەرەگىنشە، ولاردىڭ ءجۇرىس- تۇرىسىنان ءداستۇرلى ەمەس ءدىني سەنىم بەلگىلەرى بايقالماعان»، - دەدى جايناقوۆ.
ەسكە سالا كەتسەك، مىسىردا جوعالىپ كەتكەن قانات بەرىككە ايبول يسابەك ەسىمدى الەۋمەتتىك جەلى قولدانۋشى Facebook ارقىلى ىزدەۋ جاريالاعان بولاتىن. ونىڭ جازۋىنشا، قانات 11 - شىلدە كۇنى دوسى ەلامان جازىلحانمەن مىسىرعا ۇشىپ كەتكەن.
«الماتىدان شاردج قالاسىنا ۇشقان. شاردجدان الەكساندرياعا. بارعان ساتتە ق ر ەلشىلىگىنە تىركەلگەن. 20 - شىلدە كۇنى ەكەۋى دە بايلانىسقا شىقپاي قالدى. ەگيپەتتەگى قازاقستان كونسۋلى ەرشات ولاردىڭ قايدا ەكەنىن بىلمەيدى. ولاردى ىزدەستىرۋگە بارشاڭىزدان كومەك سۇرايمىن! سوڭعى دەرەك بويىنشا، تاعى 4 بالا جوعالعان. جالپى سانى 6 قازاقستاندىق ستۋدەنت جوعالىپ كەتتى»، - دەپ جازدى ول.