ۆولەيبولدان قازاقستان قۇراماسى ازيا چەمپيوناتىن جەڭىسپەن باستادى

استانا. قازاقپارات - يندونەزيالىق سۋرابايادا ەرلەر كومانداسى اراسىندا ۆولەيبولدان ازيا چەمپيوناتى باستالدى، دەپ حابارلادى sports.kz.

قازاقستان قۇراماسى تۋرنيردىڭ ءبىرىنشى ماتچىندا پارتيا بويىنشا 0:2 ەسەبىمەن كاتار كومانداسىن جەڭدى.

كەزدەسۋدىڭ ءبىرىنشى جارتىسىندا ەكى پارتيانى 25:18، 25:20 ەسەبىمەن ۇتىپ، كاتار ۆولەيبولشىلارى ۇستەم شىققان.

ءۇشىنشى پارتيا بارلىق ماتچتا نەگىزگى بولدى. شەشۋشى پارتيادا قازاقستان قۇراماسى 15:10 ەسەبىمەن قارسىلاستارىنان باسىم ءتۇستى.

جەڭىستى ەڭسەرگەن قازاقستان قۇراماسى 2 ۇپاي، كاتار 1 ۇپايعا يە بولدى. «ا» توبىنىڭ كوشباسشىسى ءتورت سەتتە ساۋد ارابياسىن ۇتقان تۋرنير يەسى يندونەزيا كومانداسى بولدى. 25-شىلدەدە قازاقستان قۇراماسى يندونەزياعا قارسى توپتىق ساتىنىڭ ەكىنشى ويىنىن وتكىزەدى.