قازاقستاندىقتار كىمنىڭ كينوسىنا ميلليونداپ اقشا سالىپ جاتىر؟
«رەسپۋبليكا بويىنشا ورنالاسقان كينوتەاترلاردا جىل سايىن 300 دەن استام فيلم كورسەتىلەدى. سونىڭ ىشىندە وتاندىق كينونىڭ سانى شامامەن 12 فيلمدى قۇرايدى. جالپى كينوپروكاتتان تۇسەتىن اقشانىڭ سوماسى 70 ميلليون دوللارعا جەتتى»، - دەدى ق ر مادەنيەت جانە سپورت مينيسترلىگىنىڭ دەپارتامەنت باسشىسى ەرمەك راحىموۆ بۇگىن «ەۋرازيا» كينوفەستيۆالى اياسىنداعى زياتكەرلىك مەنشىكتى قورعاۋعا ارنالعان جيىندا.
ونىڭ ايتۋىنشا، پروكاتتا وتاندىق كينو از بولسا دا، وزىمىزدە تۇسىرىلگەن فيلمدەردىڭ سانى بىرتە-بىرتە ارتىپ كەلەدى. ول فيلمدەردىڭ باسىم بولىگى «قازاق فيلم» كينوستۋدياسىندا تۇسىرىلەدى.
رەسمي مالىمەتكە سايكەس، بۇگىندە قازاقستاندا 93 كينوتەاتر بار. ال كينوزالداردىڭ جالپى سانى 300 گە تاياپ قالدى. ستاتسيونارلى كينوقۇرىلعىلاردىڭ سانى دا از ەمەس، 370 دانانى قۇرايدى.
ايتا كەتەيىك، بۇگىن «ەۋرازيا» كينوفەستيۆالى اياسىندا وتكەن تاعى ءبىر سەكسيادا قىرعىزستاننىڭ كينەماتوگرافيستەر وداعىنىڭ ءتوراعاسى، رەجيسسەر سادىق شەر-نياز كينونى بىرلەسىپ دامىتۋدى ۇسىندى. ونىڭ ايتۋىنشا، گولليۆۋد فيلمدەرىنەن باس تارتىپ، قازاقستان، قىرعىزستان، وزبەكستان، گرۋزيا سياقتى ەلدەردىڭ ورتاق كينونارىعىن قالىپتاستىرۋعا بولادى.
اۆتور: ارمان اسقاروۆ