ارقاننىڭ ۇستىندە اكەسىمەن ونەر كورسەتكەن ءتورت جاسار قىز كوپشىلىكتىڭ زارەسىن ۇشىردى - كەسكىن

كاناتتا ءجۇرىپ ونەر كورسەتەتىن كوپبالالى اۋلەتتىڭ كەنجەسى 4 جاستاعى ءبيبىسارا بيىكتىكتە ونەر كورسەتىپ، كورەرمەندەردىڭ زارەسىن ۇشىردى.

ونەرلى توپتىڭ جەتەكشىسى، اۋلەتتىڭ ۇلكەنى اليشار حادجيماتوۆتىڭ ايتۋىنشا، ولار جىل سايىن قازاقستاننىڭ بىرنەشە قالاسىن ارالاپ شىعىپ، رەسەي اسادى ەكەن. كورشى مەملەكەتتە دە اۋىل- ايماقتاردى ارالاپ، ونەر كورسەتەدى.

«قازىر توپتا 8 ادامبىز. ورال قالاسىندا بولدىق. اتىراۋعا بارا جاتقانبىز. قوبدا اۋدانى اكىمشىلىگى ءوتىنىش جاساعان سوڭ، اقتوبەگە كەلىپ، ونەر كورسەتىپ جاتىرمىز. بۇل جەردە بالالارىم مەن نەمەرەلەرىم بار. جازعى دەمالىس كەزىندە وسىلاي ەل ارالاپ جۇرەمىز. توپتىڭ كەنجەسى 4 جاستاعى ءبيبىسارا كاناتتىڭ ۇستىندە ەركىن جۇرە الادى»، - دەيدى اليشەر حادجيماتوۆ.

ايتا كەتەيىك، ءبۇلدىرشىن كاناتتىڭ ۇستىنە شىققاندا كورەرمەندەردىڭ زارەسى ۇشتى. ولار كىشكەنتاي قىزدىڭ اماندىعىن تىلەپ تۇردى. الايدا، جەردەن ون مەتردەن استام بيىكتىكتە ءبيبىسارا ءوزىن ەركىن ۇستاپ، اكەسىنىڭ موينىنا ءمىنىپ الىپ، بيلەپ ءجۇردى. ءتىپتى، بيىكتىكتەن تومەن تۇسكەندە دە ەزۋىنەن كۇلكى كەتپەگەن ءبۇلدىرشىن كوپشىلىكتىڭ كوڭىلىنەن شىقتى.

ايتا كەتەيىك، سەنبى كۇنى قوبدا اۋدانىنىڭ اقتوبەدەگى كۇندەرى ءوتتى.

Aktobenews.kz сайтынан видеосын көре аласыздар. Канаттың үстінде өнер көрсеткен 4 жастағы қыз бала ақтөбеліктердің зəресін ұшырды

Публикация от Асқар Ақтілеу (@askar_aktileu) Июл 23 2017 в 12:06 PDT