قوعامدىق سانانى جاڭعىرتۋ گۋمانيتارلىق ءبىلىمدى جاڭارتۋ ارقىلى جۇرگىزىلەدى - ساراپشى
«قازاقستان پرەزيدەنتى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى بۇل - قازاقستاننىڭ بولاشاق قوعامى دامۋىنىڭ جالپى كورىنىسى. سانانى جاڭعىرتۋ - بۇل قوعامنىڭ بارلىق مۇشەلەرىمەن اجىراتىلاتىن بىرەگەيلىك، قۇنىدىلىقتار جانە مادەني جادىلار. قوعامدىق سانانى جاڭعىرتۋ گۋمانيتارلىق ءبىلىمدى جاڭارتۋ جانە قوعامنىڭ ونىڭ جاڭا يمپەراتيۆتەرىن قابىلداۋ ارقىلى جۇرگىزىلەدى. اتالعان باعدارلامالىق ماقالاداعى جاڭعىرۋدىڭ نەگىزگى يمپەراتيۆتەرى باسەكەگە قابىلەتتىلىك، پراگماتيزم، ءبىلىمنىڭ جوعارى قۇندىلىقتارى مەن ءبىلىم جانە سانانىڭ اشىقتىعى بولىپ تابىلادى»، - دەدى پروفەسسور.
ونىڭ اتاپ وتۋىنشە، قازاقستاندا تاۋەلسىزدىك جىلدارى ىشىندە ءبىلىم سالاسىنىڭ ساپاسىن، باسەكەگە قابىلەتتىلىگىن جانە حالىقارالىق عىلىمي- ءبىلىم كەڭىستىككە ءتيىمدى ىقپالداسۋىن قامتاماسىز ەتۋ ءۇشىن كوپتەگەن جۇمىس اتقارىلدى.
«باعدارلامالىق ماقالادا قوعامدىق سانانى جاڭعىرتۋدىڭ باستى جوباسى رەتىندە «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى ۇسىنىلىپ وتىر. ماقسات ايقىن - ءوز سالاسىنداعى بىلىكتىلىگى جوعارى مامانداردى عانا دامىتىپ قويۋ ەمەس، سونىمەن بىرگە قازىرگى زامان مەن بولاشاقتى جاڭا تۇسىنەتىن، وزگەرىستەرگە دايىن، الدىڭعى قاتارلى تاجىريبەلەردى ءتيىمدى ۇيرەنىپ، قولدانۋعا قابىلەتتى تۇلعانى قالىپتاستىرۋ» ، - دەدى اشوت تاۆاديان.
عالىم قازاقستاندىق قوعام «بولاشاققا باعدار: رۋحاني جاڭعىرۋ» باعدارلامالىق قۇجاتىن باسشىلىققا الا وتىرىپ، العا قويعان ماقساتتارىنا جەتەتىندىگىنە، ال مەملەكەت الەمنىڭ ەڭ دامىعان 30 ەلىنىڭ قاتارىنا قوسىلارىنا سەنىمدى ەكەندىگىن باسا ايتتى.
اۆتور: مارلان جيەمباي