قانات يسلام رەيتينگىندە ەكىنشى ورىنعا كوتەرىلدى

استانا. قازاقپارات - دۇنيەجۇزىلىك بوكس قاۋىمداستىعى (WBA) بارلىق سالماقتاعى بوكسشىلار رەيتينگىن جاڭارتتى، دەپ حابارلايدى قازاقپارات.

قازاقستاندىق كاسىبي بوكسشى قانات يسلام (24-0-19 ك و) ءبىرىنشى ورتا سالماق رەيتينگىندە ءبىر ساتىعا كوتەرىلىپ، بۇل تۇجىرىمنىڭ ۋاقىتشا الەم چەمپيونى ارگەنتينالىق كارلوس برايان كاستانودان كەيىنگى ەكىنشى ورىنعا جايعاستى.

جارتىلاي ورتا سالماقتا جۇدىرىقتاسىپ جۇرگەن وتانداسىمىز جانقوش تۇراروۆ (21-0-15 ك و) 10-ورىننان كورىندى.

ايتا كەتەيىك، قانات يسلام بۇل كۇندە WBA تۇجىرىمىنىڭ Fedelatin جانە Inter- Continental بەلدىگىنىڭ يەگەرى.

استانا قالاسىندا وتەتىن كەزەكتى جەكپە-جەگىندە قانات قارسىلاسى كۋكتىڭ WBA NABA بەلدىگىن جەڭىپ الۋعا مۇمكىندىگى بار. قانات يسلام ايقاسىنىڭ اندەركارتىندا جەڭىلىپ كورمەگەن قازاقستاندىق سەگىز بوكسشى رينگكە شىعادى.