ا ق ش گەولوگيالىق قىزمەتىنىڭ مالىمەتىنشە، ونىڭ وشاعى بودرۋم كۋرورتتى قالاسىنان وڭتۇستىككە قاراي 10 شاقىرىم جەردە ورنالاستى، تەرەڭدىگى 10 شاقىرىمدا بولدى، دەپ حابارلايدى قازاقپارات Lenta.ru سايتىنا سىلتەمە جاساپ.
ءزىلزالا شاعىن سۋنامي تۋدىردى، ونىڭ امپليتۋداسى 25 سانتيمەترگە جۋىقتى قۇرادى. 21- شىلدەگە قاراعان ءتۇنى مۋگلا پروۆينتسياسىنىڭ گۋبەرناتورى ەسەنگيۋل دجيۆەلەك حابارلاعانداي، الدىنا الا مالىمەتتەر بويىنشا، جەر سىلكىنىسى سالدارىنان ءىرى قيراۋ وقيعالارى بولعان جوق.
جەراستى دۇمپۋلەرى ەگەي تەڭىزىنىڭ جاعالاۋىندا سەزىلدى، الايدا، بودرۋم جانە داتچي اۋداندارىندا ول اناعۇرلىم قاتتى بايقالعان.
بودرۋمدا جەكەلەگەن ەسكى عيماراتتاردىڭ قابىرعالارىندا جارىقتار پايدا بولدى، ەلەكتر جارىعى ءسوندى. كوپتەگەن قالالار مەن ەلدى مەكەندەر تۇرعىندارى كوشەگە جۇگىرىپ شىققان. بيلىك وكىلدەرى جەر سىلكىنىسىنىڭ قايتالانۋى قاۋپىمەن تۇرعىندارعا ازىرگە ۇيلەرىنە ورالماۋعا كەڭەس بەردى.
وقيعا ورنىنا قۇتقارۋشىلار جەتۋدە، زارداپ شەككەندەر تۋرالى اقپارات جوق.