قانات يسلامنىڭ كەلەسى قارسىلاسى سوڭعى جەكپە-جەكتە شەلەكتەن «تاياق جەپ» قالعان - كەسكىن
ايتا كەتكەن ءجون، برەندون كۋك (18-0, 15 ك و) جەكپە-جەكتەردىڭ باسىم بولىگىن تۋعان جەرى - ونتاريودا وتكىزگەن. سوڭعى رەت ول ءوزىنىڭ جەرلەسى - ستيۆەن باتلەرمەن كەزدەسكەن ەدى. سول جەكپە-جەكتە باتلەر تەحنيكالىق نوكاۋتپەن جەڭىلدى.
وسىلايشا، كۋك IBF تۇجىرىمى بويىنشا سولتۇستىك امەريكانىڭ چەمپيونى اتاندى. بۇعان دەيىن ونىڭ WBA- NABA بەلبەۋى دە بولعان. ءدال وسى جەكپە-جەكتە جەڭىمپاز كۋك جاراقات الدى. تورەشىنىڭ تەحنيكالىق نوكاۋتقا قاتىستى شەشىمىمەن كەلىسپەگەن جانكۇيەرلەر رينگكە سان الۋان زاتتاردى لاقتىرا باستادى.
سول كەزدە بىرەۋى مۇزعا تولى شەلەكتى لاقتىردى. ول تۋرا كۋكتىڭ باسىنا ءتيدى.
ايتا كەتەيىك، بۇعان دەيىن قازاقستاندىق بوكسشى قانات يسلام امەريكالىق دجەيمس كيركلەندكە قارسى شىعۋدى جوسپارلاعان. ەندىگى جوسپارعا سايكەس، قانات يسلامنىڭ كەلەسى قارسىلاسى كانادالىق برەندون كۋك بولادى.
بوكس كەشى كەزىندە وسى ۋاقىتقا دەيىن بىردە-ءبىر رەت جەڭىلىپ كورمەگەن سەگىز قازاقستاندىق بوكسشى جۇدىرىقتاسادى.
اۆتور: ارمان اسقاروۆ