اقجارقىن تۇرلىبايدىڭ ادۆوكاتى ۇكىمنىڭ نەلىكتەن ءالى كۇنگە شىقپاعانىن ءتۇسىندىردى
«اقپاننىڭ سوڭىندا اقجارقىن تۇرلىبايعا قاتىستى سوت ۇكىمى شىعۋى ءتيىس ەدى. بۇل قايتا وتكەلى وتىرعان سوت. باستاپقىدا اقجارقىنعا ءومىر بويىنا باس بوستاندىعىنان ايىرۋ تۋرالى جازا تاعايىندالعان ەدى. ءبىراق كەيىن اپەللياتسيادا ۇكىمنىڭ كۇشى جويىلدى، ال ءىس قۇرامىندا جاڭا سۋديالار بار ءبىرىنشى ينستانتسياداعى سوتقا جولداندى. الايدا 27-28- اقپاندا ۇكىم شىقپادى جانە بەلگىسىز ۋاقىتقا شەگەرىلگەن ەدى. سودان بەرى 4 ايدان اسا ۋاقىت ءوتىپ كەتتى. اقجارقىن تۇرلىبايدىڭ تاراپى ق ر س ءى م مەن بىرلەسە وتىرىپ، سوت پروتسەسىن باقىلاپ وتىر. مەن ق ح ر- دىڭ ق ر كونسۋلدىق قىزمەتىنە ءوتىنىش ءبىلدىردىم. ق ر س ءى م ديپلوماتيالىق پروتسەدۋرا وتكىزىپ جاتىر (نوتا دايىندالدى). مۇنىڭ بارلىعى دا سوت اقجارقىن تۇرلىبايدىڭ قاتىسۋىمەن پروتسەستىڭ جاڭا كەزەڭىنە ءوتۋى ءۇشىن جاسالىپ وتىر. كوپتەگەن پروتسەدۋرا بار، ۋاقىت قاجەت»، - دەپ ءتۇسىندىردى قىزدىڭ ادۆوكاتى سۇڭقار نۇرماعامبەتوۆ.
ەسكە سالايىق، قازاقستاندىق 20 جاستاعى ستۋدەنت اقجارقىن تۇرلىباي 2014-جىلدىڭ ناۋرىزىندا قىتاي مەن مالايزيانىڭ شەكاراسىندا ۇستالعان ەدى. ونىڭ جۇگىنەن 4,5 كەلى ەسىرتكى تابىلدى دەلىندى.
قىز سومكەسىندە ەسىرتكىنىڭ بارىن بىلمەگەنىن ايتتى. كەيىن قىتاي سوتى وعان ءومىر بويىنا باس بوستاندىعىنان ايىرۋ جازاسىن كەستى. الايدا بۇل شەشىمنىڭ كۇشىن اپەللياتسيالىق ينستانتسيا كۇشىن جويعان بولاتىن. ال 2017-جىلدىڭ اقپانىندا قىتايدا اپەللياتسيالىق ينستانتسيانىڭ ۇكىمى شىعۋى ءتيىس ەدى، الايدا ول دا بەلگىسىز ۋاقىتقا شەگەرىلگەن.