بۇل زات حلور قىشقىلىنىڭ تۇزى بولىپ سانالادى، تىرشىلىك يەلەرىنىڭ بارىنە ۋ سەكىلدى اسەر ەتەدى.
بيولوگتار مارس توپىراعىنا ءتان پەرحلوراتتار كونسەنتراتسياسىنىڭ عارىش اپپاراتتارىندا كوپ كەزدەسەتىن جانە بيولوگيالىق لاستانۋ كوزى بولىپ سانالاتىن Bacillus subtilis باكتەرياسىنا اسەرىن زەرتتەپ كوردى. بەلگىلى بولعانىنداي، ۋلتراكۇلگىن ساۋلەمەن اسەرلەسكەن كەزدە قوسىلىستاردىڭ ۋلىلىعى ارتا تۇسكەن. سوندىقتان Bacillus subtilis بىرنەشە مينۋتتا- اق تىرشىلىگىن توقتاتقان. مامانداردىڭ پىكىرىنشە، مارس توپىراعىنداعى تەمىر وكسيدى مەن سۋتەگى توتىعى دا پەرحلوراتتار اسەرىن كۇشەيتىپ، باكتەريا ءولىمىن 10,8 ەسە جەدەلدەتە تۇسەدى.
پەرحلوراتتار مارس بەتىنەن 2008 -جىلى تابىلدى. «فەنيكس» اپپاراتى مارس توپىراعىنىڭ حيميالىق قۇرامىن زەرتتەگەن كەزدە قوسىلىستار كونسەنتراتسياسى 0,4-0,6 پايىزعا جەتكەن. بۇل ناتيجەنى Curiosity مارسوحودى العان سىنامالار دا راستادى. عالامشارعا ۋلتراكۇلگىن ساۋلەلەر تۇسەتىنىن ەسكەرسەك، پەرحلورات مولشەرىنىڭ كوپتىگى ونداعى تىرشىلىكتىڭ جوقتىعىنا باستى سەبەپشى بولۋى دا مۇمكىن.
«جاس الاش» گازەتى