ۋربانيزاتسيانىڭ(قالالانۋدىڭ) جوعارى دەڭگەيى مەن ەلوردا حالقىنىڭ وسۋىنە بايلانىستى كوشەدەگى جول قوزعالىسىنىڭ كەپتەلىسىن ازايتۋ ماقساتىندا ۆەلوجولداردى دامىتۋ كۇن تارتىبىندەگى وزەكتى ماسەلەگە اينالدى. سوعان سايكەس، قالالىق اكىمدىكتەن ۆەلوسيپەد ينفراقۇرىلىمىن دامىتۋ جوسپارى جۇزەگە اسىرىلۋدا.
«اتالعان جوباعا سايكەس استانادا كۇندەلىكتى، رەكرەاتسيوندى جانە تۋريستىك ۆەلومارشرۋتتار پايدا بولادى. العاشقىسى كۇندەلىكتى ءبىر نۇكتەدەن كەلەسى ءبىر جەرگە دەيىن، مىسالى، جۇمىسقا جەتۋ ماقساتىندا ەنگىزىلەدى. ەكىنشىسى قالاداعى ساياباقتار مەن وزەن جاعاسىنداعى باسقا دا لاندشافتى- رەكرەاتسيالىق ايماقتارا ۆەلوسيپەد باعىتتارىن دامىتۋدى كوزدەيدى. ال ءۇشىنشىسى ساياحاتتاۋ ماقساتىندا ەلورداداعى تۋريستىك ورىنداردى بىرىكتىرەتىن ءارى قالانىڭ تۋريستىك الەۋەتىن دامىتۋعا باعىتتالعان» دەلىنگەن حابارلامادا.
سونداي- اق استانانىڭ اكىمشىلىك اۋداندارىنىڭ ءارقايسىندا ۋاقىتشا ۆەلوسيپەد مارشرۋتتارىن دامىتۋ جوسپارلانىپ وتىر. بۇل باعىتتار قولدانىستاعى ۆەلوسيپەد ينفراقۇرىلىمىنىڭ سۇرانىسىن قاناعاتتاندىپ، دەمالىس جانە مەرەكە كەزىندەگى جولداعى جۇكتەمەنى ازايتۋعا سەپتىگىن تيگىزەدى دەيدى ماماندار.
«تۇجىرىمداماعا سايكەس، استانا قالاسىنداعى ۆەلوسيپەد مارشرۋتتارىنىڭ جالپى ۇزىندىعى 1717 شاقىرىمدى قۇرايدى. ونىڭ 1362 شاقىرىمى ۋتيليتارلى، 233 شاقىرىمى رەكرەاتسيالىق، ال 32,6 شاقىرىمى تۋريستىك جانە 19,4 شاقىرىم ۋاقىتشا باعدارلار بولادى» دەلىنگەن ينستيتۋت تاراتقان حابارلامادا.
تۇجىرىمداماعا سايكەس، الداعى ۋاقىتتا استانادا پايدا بولاتىن ۆەلومارشرۋتتار قىزعىلت سارى تۇستە بولادى.
Baq.kz