كورشى حورۆاتيادا دا ۇقساس جاعداي. مۇندا شبەنيك قالاسىنىڭ حالقىنا ۇلكەن قاۋىپ ءتونىپ تۇر. ويتكەنى ورمان ءورتى شاھاردىڭ شەتىندەگى ۇيلەرگە تاياپ قالدى. قازىر بيلىك تۇرعىنداردى ەۆاكۋاتسيالاۋعا كىرىسكەن. مامانداردىڭ ايتۋىنشا، وتتى اۋىزدىقتاۋعا كۇننىڭ ىستىعى مەن كۇشتى جەل كەدەرگى كەلتىرىپ تۇر.
ماري، جەرگىلىكتى تۇرعىن:
- ءبىز وسىندا تۇرامىز. ۇيگە ورالسام، جالىن لاۋلاپ جاتىر. نە بولارىن بىلمەي، قورقىپ وتىرمىز.
يۆانا، جەرگىلىكتى تۇرعىن:
- قازىر ايماقتا قاتتى جەل سوعىپ تۇر. سونىڭ كەسىرىنەن وت تەز تارالىپ جاتىر. امال نە؟ جەلدىڭ توقتاعانىن كۇتىپ وتىرمىز.
تابيعي اپات كانادا جۇرتشىلىعىن دا ابىگەرگە سالدى. بريتاندىق كولۋمبيا پروۆينتسياسىندا 37 مىڭعا جۋىق تۇرعىن ءۇي- جايىن تاستاپ، قاۋىپسىز جەرگە كوشىرىلدى. مۇندا 160-تان استام ءورت وشاعى تىركەلىپتى. ءتىلسىز جاۋمەن كۇرەسكە 3 مىڭعا جۋىق مامان قاتىسىپ جاتىر. ولارعا كومەككە 200 اۋە كەمەسى جۇمىلدىرىلعان. بىرنەشە كۇن بۇرىن مۇندا ورمانداعى جالىندى وشىرۋگە اتتاندىرىلعان تىكۇشاق اپاتقا ۇشىراعان ەدى. ابىروي بولعاندا، ۇشقىش امان قالدى.
www.24.kz